Giovanni di Bicci de' Medici
Giovanni di Bicci de' Medici (n. en 1360 - m. en februaro 1429) estis la fondinto de la fama kaj potenca dinastio de la Mediĉoj en Florenco, kaj fondinto de la banko Mediĉo. Li estis la patro de Kosimo de Mediĉo (Pater Patriae) kaj la praavo de Lorenzo de Mediĉo.
| Giovanni di Bicci de' Medici | |
|---|---|
 | |
| Persona informo | |
| Naskiĝo | 30-an de novembro 1359 en Florenco |
| Morto | 20-an de februaro 1429 (69-jaraĝa) en Florenco |
| Tombo | Sagrestia Vecchia (en)   |
| Familio | |
| Patro | Averardo de' Medici (en) |
| Patrino | Jacopa Spini (en) |
| Edz(in)o | Piccarda Bueri (en) |
| Infanoj | Kosimo de Mediĉo, Lorenzo the Elder (en) |
| Parencoj | Vieri de' Medici (en) (onklo) |
| Okupo | |
| Okupo | bankisto |
Giovanni de Bicci de Medici naskiĝis en Florenco. Li estis la filo de Averardo de' Medici. Kvankam li estas rigardita kiel la fondinto de la riĉa mediĉa dinastio, li ne devenis de riĉa familio. La malmulta mono lasita de lia patro estis dividita inter lia vidvino kaj kvin filoj, tiel ke Giovanni ricevis nur malgrandan heredaĵon.
Giovanni ne vere interesiĝis pri politiko, krom se la diskutitaj aferoj temis pri li aŭ lia banko. En 1410, meze de la granda okcidenta skismo, Giovanni sukcese prognozis la revenon de la papo al Romo : rekompencante Giovanni pro lia subteno, postaj papoj plejofte elektis lian bankon por zorgi pri la papa buĝeto.