Fred Karno
Frederick John Westcott (la 26-an de marto 1866 – la 18-an de septembro 1941), plej bone konata per sia arta nomo Fred Karno, estis angla impresario de teatro de la ĝenro de brita music hall.[1] Kiel komediisto specializita en troa agadmovo kaj bruo li estis konsiderita kiel la populariginto de la fama sceno de tortofrapo en vizaĝo.[2] Dum la 1890-aj jaroj, por eviti la teatran cenzuron, Karno disvolvigis formon de scenkomedio sen dialogo.
| Fred Karno | |
|---|---|
 | |
| Persona informo | |
| Naskonomo | Frederick John Westcott |
| Naskiĝo | 26-an de marto 1866 en Exeter, Anglio |
| Morto | 18-an de septembro 1941 (75-jaraĝa) en Lilliput |
| Mortokialo | Diabeto  |
| Lingvoj | angla |
| Ŝtataneco | Unuiĝinta Reĝlando (Britio) |
| Okupo | |
| Okupo | komikisto entreprenisto impresario scenaristo |
Scenoj de bravuloj kiuj defias aŭtoritaton kiel en Jail Mum (1896) en kiu prizonuloj ludas trompojn al gvardianoj kaj Early Birds (1903), kie malgranda viro venkas super granda fripono en East End de Londono, povas esti vidataj kiel pieoniraj de la komedio de muta kino. Kinproduktoro Hal Roach asertis: "Fred Karno estas ne nur geniulo, sed li estas la homo kiu kreis la troigitan komedion. Ni en Holivudo ŝuldas multon al li."[3]
Inter la komediistoj de music hall kiuj laboris por li estis Charlie Chaplin kaj lia anstataŭanto, Arthur Jefferson, kiu poste adoptis la nomon de Stan Laurel. Tiuj estis parto de tio kio estas konata kiel "Armeo de Fred Karno", esprimo ankoraŭfoje uzata en la Unuiĝinta Reĝlando por aludi al kaosa grupo aŭ organizo. Tiu esprimo estis adaptita de Britaj soldatoj en tranĉea kanto en la Unua Mondmilito, kiel parodio de, aŭ pli bone laŭ la melodio de, la himno "The Church's One Foundation".[4] En la Dua Mondmilito ĝi estis adaptita kiel la Himno de la Guinea Pig Club, kies unua linio estis "We are McIndoe's Army ...".