Dieter Graumann
Dieter Graumann (prononco [DI:ta GRAŬman], hebree יוסף שוסטר, n. la 20-an de aŭgusto 1950 en Ramat Gan estas advokato kaj ekonomikisto israela/germana. De la 28-a de novembro 2010 ĝis la 30-a de novembro 2014, li estis prezidanto de la Centra konsilio de la judoj en Germanio kaj estis vicprezidanto de la Monda Juda Kongreso ekde la 6-a de majo 2013.[1] Li sukcedis Charlotte Knobloch en ambaŭ postenoj.
| Dieter Graumann | |
|---|---|
 | |
| Persona informo | |
| Naskiĝo | 20-an de aŭgusto 1950 (73-jaraĝa) en Ramat Gan |
| Lingvoj | germana |
| Ŝtataneco | Germanio  |
| Okupo | |
| Okupo | juristo |
Vivo
David Graumann estis naskita en 1950 en Ramat Gan, Israelo, la filo de transvivantoj de la holokaŭsto. Liaj gepatroj renkontiĝis en koncentrejo en Zeilsheim, kvartalo de Frankfurto ĉe Majno, Germanio. Liaj gepatroj reenmigris de Israelo al Germanio kun li kiam li estis nur unujara, ekloĝante en Frankfurto ĉe Majno. Baldaŭ post ilia translokiĝo, la gepatroj ŝanĝis lian personan nomon de David al Dieter, provo kaŝi lian judan identecon en postmilita Germanio.[2]
Post kompletigo de sia abituro, Graumann studis ekonomikon ĉe la universitato de Frankfurto kaj juron ĉe King's College London, kompletigante sian doktoran tezon pri la Eŭropa Ekonomia Komunumo en 1979. Post sia diplomiĝo, li laboris ĉe la Deutsche Bundesbank dum du jaroj, ankaŭ funkciante kiel Prezidanto de la sporta klubo Makkabi Frankfurto, organizo de kiu li nun estas honora prezidanto.
Antaŭ lia prezidanteco de la Centra Konsilio de Judoj en Germanio, la laboro de Graumann koncentriĝis pri lia privata praktikejo de investa administrado, kune kun partopreno en diversaj germanaj judaj organizoj en lia hejmurbo Frankfurto.
En 2009, Graumann sciigis sian kandidatecon por la prezidanteco de la Centra Konsilio de Judoj en Germanio, pozicio kiun li gajnis. Li estis la unua prezidanto de la konsilio kiu ne persone travivis la holokaŭston.[3]
Prezidanteco de la Centra Konsilio de Judoj en Germanio
Dum la Eŭropa Futbal-Ĉampionado 2012 en Pollando kaj Ukrainio, Graumann petegis la germanan nacian teamon de futbalo viziti koncentrejo Auschwitz aŭ Babin Jar. La germana teamo ja vizitis Auschwitz, tamen Graumann kritikis ke nur tri sportistoj, el ili du kun familiaj radikoj en Pollando, plus trejnisto kaj du manaĝeroj, konsistigis la malgrandan ses-personan delegacion, dum ekzemple la angla nacia teamo de futbalo kun ĉiuj 23 sportistoj plus trejnisto kaj manaĝeroj vizitis koncentrejon. Same en 2012, Graumann forte kritikis la decidon de Kolonja tribunalo etikedi cirkumcidon kiel genitala kripligo, etikedante la decidon religie nesentema kaj "malvarma". Kaj aldone en 2012, Graumann publikigis libron, Nachgeboren – Vorbelastet? Die Zukunft des Judentums in Deutschland ("Postnaskitaj - ĉu antaŭŝarĝitaj? La estonteco de judismo en Germanio"), koncerne judan vivon en Germanio, specife analizante kion li vidis kiel novaj minacoj al germana judismo de maldekstremaj kontraŭcionistoj kaj islamistoj.[4]
En 2013, Graumann peze kritikis la oficialan respondon al kontraŭjudisma atako de junulo al rabeno de Offenbach en butikcentro.
La 31-an de oktobro 2014, Graumann sciigis ke li ne servos alian oficperiodon kiel prezidanto de la Centra Konsilio.
Fonto
- Baza teksto de la angla artikolo je la stato de la 16-a de novembro 2023, kun adaptoj baze de la cititaj fontoj
Referencoj kaj notoj
Eksteraj ligiloj
- tre diferencita prezenta artikolo pri li de la 28-a de novembro 2010 en la gazeto Der Tagesspiegel (germane)
