Dekdulatero

Regula dekdulatero estas dekdulatero kiu estas regula plurlatero.

Ĉe konveksa regula dekdulatero ĉiuj lateroj estas egalaj kaj ĉiuj enaj anguloj estas 150°. Ĝia simbolo de Schläfli estas {12}.

Nekonveksa regula dekdulatero estas 12-latera stelo, stelodekdulatero. Ĝia simbolo de Schläfli estas {12/5}.

La areo de regula dekdulatero estas kalkulebla per la jenaj formuloj:

${\displaystyle A=3\cot \left({\frac {\pi }{12}}\right)t^{2}=3\left(2+{\sqrt {3}}\right)t^{2}\simeq 11.19615242t^{2}\ ,}$

kie t estas la longo de latero.

${\displaystyle A=6\sin \left({\frac {\pi }{6}}\right)R^{2}=3R^{2}\ ,}$

kie R estas la radiuso de la ĉirkaŭskribita cirklo.

${\displaystyle A=12\tan \left({\frac {\pi }{12}}\right)r^{2}=12\left(2-{\sqrt {3}}\right)r^{2}\simeq 3.2153903r^{2}\ ,}$

kie r estas la radiuso de la enskribita cirklo.

Regula dekdulatero estas konstruebla kun cirkelo kaj liniilo. Unu el variantoj konstrui ĝin estas jena:

• Konstrui regulan seslateron.
• Konstrui ĉirkaŭskribitan cirklon ĉirkaŭ la seslatero (verŝajne ĝi jam estos konstruita dum la konstruo de la seslatero).
• Disdividi ĉiun arkon de la ĉirkaŭskribita cirklo inter du najbaraj verticoj de la seslatero je du egalaj duonoj.
• Verticoj de la seslatero kune kun la mezpunktoj de la arkoj estas 12 verticoj de la regula dekdulatero.

• Majusklaj literoj de latina alfabeto "E" kaj "H" de sen-serifa tiparo estas dekdulateroj. Majuskla litero de latina alfabeto "I" de tiparo kun ortangulaj serifoj estas dekdulatero.
• Dekdulateran formon havas kelkaj moneroj. Inter ili aŭstralia 50 cenda monero, kroata 25-kunaa monero, meksikia 20 cenda monero.

• Dekdulatera nombro
• Dekduedro - regula pluredro kun 12 kvinlateraj edroj.

• Dekdulatero kaj kahelo de Kürschak de Antonio Gutierrez
• Eric W. Weisstein, Dekdulatero en MathWorld.
• Kahelo kaj teoremo de Kürschak
• Difino kaj propraĵoj de dekdulatero kun interaga animacio