Chicken Hawk: Men Who Love Boys
Chicken Hawk: Men Who Love Boys ("Viroj kiuj amas knabojn")[1] estas dokumenta filmo de 1994 produktita, verkita kaj reĝisorita de Adi Sideman. En ĝi, membroj de la North American Man/Boy Love Association (NAMBLA) diskutas kial ili subtenas la seksajn rilatojn inter viroj kaj knaboj sub la aĝo de konsento. La filmo kontribuis por levi la popularecon de la usona organizaĵo[2].
| Chicken Hawk | |
|---|---|
| filmo | |
| Originala titolo | Chicken Hawk: Men Who Love Boys |
| Produktadlando |  Usono |
| Originala lingvo | angla |
| Kina aperdato | 1994 |
| Daŭro | 55 min. |
| Ĝenro | Dokumenta filmo |
| Reĝisoro(j) | Adi Sideman |
| Produktisto(j) | Adi Sideman |
| Scenaro | Nadav Harel |
| Ĉefrolantoj | Barbara Adler, Bill Andriette kaj Bill Bickly |
| Produktinta firmao | Side Man |
| IMDb | |
Resumo
La filmo temas pri NAMBLA kaj ties historio. Ĝi provas kuntekstigi pedofilion kadre de la pederastio en Antikva Grekio kaj prezentas serion de intervjuoj kun membroj de NAMBLA, kiuj klarigas ilian seksan preferon por knaboj kaj defendas la pederastiajn rilatojn. Kamerao akompanas grupon da membroj de la asocio, kiuj partoprenas marŝon por la rajtoj de la samseksemuloj en Vaŝingtono kaj klarigas kial NAMBLA devas esti laŭ ili inkludita en la movado por la gejaj rajtoj. La poeto Allen Ginsberg, la membro kaj defendanto plej eminenta de NAMBLA[3], aperas en la filmo kaj legas "grafikan odon al junularo".
Premiero kaj reagoj
La filmo estis premiere prezentita en la Underground Film Festival de Nov-Jorko. Ĝi kaŭzis ian polemikon kaj en iaj urbo eĉ estis malpermesita[4]. Stephen Holden kvalifis ĝin "malfacile digestebla" kaj skribis en The New York Times: "Ĝi havas skandalan titolon, kiu kontrastas kun ĝia senpartia portreto de la North American Man/Boy Love Association"[5]. La reĝisoro, Adi Sideman, deklaris ke li ricevis multajn invitojn de naciaj departementoj pri psikologio, sociologio kaj krimologio por partopreni aranĝojn prezentontajn la filmon. En 2003 ĝi estis denove projekciita en la Underground Film Festival de Nov-Jorko.
Referencoj
Eksteraj ligiloj
- Chicken Hawk: Men Who Love Boys en Interreta filma datumbazo (angle)
- Chicken Hawk: Men Who Love Boys Retejo enhavanta la filmon angle
