Awn Al-Khasawneh
Awn Shawkat Al-Khasawneh (en araba: عون الخصاونة; en Esperanto: Aŭn Ŝaŭkat Al-Ĥasaŭneh) (22a de februaro 1950) estis ĉefministro de Jordanio el oktobro 2011 ĝis aprilo 2012. Li estis ankaŭ iama juĝisto de la Internacia Kortumo.
Awn Al-Khasawneh | |||||
---|---|---|---|---|---|
![]() | |||||
Persona informo | |||||
عون الخصاونة | |||||
Naskiĝo | 22-an de februaro 1950 (74-jaraĝa) en Amano | ||||
Religio | islamo vd | ||||
Ŝtataneco | Jordanio ![]() | ||||
Alma mater | Reĝina Kolegio ![]() | ||||
Partio | sen valoro ![]() | ||||
Profesio | |||||
Okupo | juĝisto diplomato politikisto ![]() | ||||
| |||||
| |||||
| |||||
vd | Fonto: Vikidatumoj | ||||
Kariero
Li studis en la Universitato de Kembriĝo, kie li ricevis gradojn pri historio kaj juro, kaj poste pri internacia juro. Li plenumis diversajn altajn postenojn en la 1980-aj kaj 1990-aj jaroj en Jordanio.
Li estis elektita por la Internacia Kortumo en 1999 kaj reelektita en 2008.[1] Li servis en tiu posteno el la 6a de februaro 2000 ĝis la 31a de decembro 2011.[2][3] Li servis ankaŭ kiel vic-prezidanto de la Kortumo el 2006 ĝis 2009.[3] Li rezignis el la Kortumo per letero datita el la 20a de novembro 2011.[2]
La 17an de oktobro 2011, li estis nomumita fare de la reĝo Abdullah la 2-a kiel ĉefministro de Jordanio, anstataŭ Maruf al-Baĥit (kiu estis akuzita je korupto dum pli frua regotempo kiel ĉefministro).[4] The Guardian informis, ke Khasawneh havas reputacion kiel honesta politikisto kaj estas fama kiel jurista fakulo.[4]
La 26an de aprilo 2012, Al-Khasawneh havigis sian rezignon al la reĝo Abdullah, kiu, siavice, akceptis la rezignon.[5] Fayez al-Tarawneh sukcedis al Khasawneh kiel ĉefministro.[6]
Novembre de 2016, Al-Khasawneh estis nomumita fare de la Ĝenerala Sekretario de la Unuiĝintaj Nacioj Ban Ki-moon al alta posteno pri medicino, kun Ruth Dreifuss, iama Prezidentino de Svisio, kaj Festus Mogae, iama Prezidento de Bocvano.[7]