Andranik Markarjan

Andranik MARKARJAN (armene:Անդրանիկ Մարգարյան; alternativaj famili-nomaj literumoj: Margarjan, Markarian, Margarian) (12-an de junio, 1951 – 25-an de marto, 2007) servis kiel la 14-a ĉefministro de Armenio de la 12-a de majo, 2000, kiam la prezidento enpostenigis lin, ĝis subita morto (pro miokardia infarkto) je la 25-a de marto, 2007. Li estis membro de la Armenia Respublika Partio. Kiel ĉefministro li sekvis la fratojn Sarksjan: Vazgen Sarksjan, murdita dum pafatako en la Armena Parlamento (la 27-a de oktobro, 1999), kaj Aram Sarksjan, kiun la prezidento enpostenigis en novembro, 1999, sed maldungis la 2-a de majo 2000.

Andranik Markarjan
Persona informo
Անդրանիկ Նահապետի Մարգարյան
Naskiĝo	12-an de junio 1951 (1951-06-12) en Erevano
Morto	25-an de marto 2007 (2007-03-25) (55-jaraĝa) en Erevano
Mortis pro	Naturaj kialoj vd
Mortis per	Korinfarkto vd
Tombo	Panteono Komitas 40° 09′ 42″ Nordo 44° 30′ 07″ Oriento / 40.161642 °N, 44.501811 °O / 40.161642; 44.501811 (mapo) Erevano vd
Lingvoj	armena vd
Ŝtataneco	Sovetunio Armenio vd
Alma mater	Armena Nacia Politeknika Universitato vd
Partio	Respublikana Partio de Armenio vd
Familio
Infanoj	Taron Margaryan (en) vd
Profesio
Okupo	politikisto inĝeniero vd
Postenoj Postenoj Ĉefministro de Armenio (2000–2007) member of the National Assembly of Armenia (en) Ĉefministro de Armenio vd
Honorigoj Honorigoj  Order of St. Mesrop Mashtots (en)  Garegin Nzhdeh medal (en) vd
vd	Fonto: Vikidatumoj
v • d • r

Andranik Markarjan naskiĝis en Erevano. Li studis kibernetikon kaj diplomiĝis kiel komputila inĝeniero.

En la 1970-aj jaroj li aliĝis al kontraŭleĝa politika partio, la Partio de Nacia Unueco, kaj oni arestis lin kaj enprizonigis en 1974.

En 1992, post la liberiĝo de Armenio, Markarjan registriĝis kiel membro de la Armenia Respublika Partio (HHK). Li servis kiel ĉefo de la estrarano de HHK de 1993 ĝis la morto. Li aktivis ankaŭ en la Volontula Unuiĝo "Jerkrapah" ekde 1996, kaj estis membro de ĝia estraro.

Markarjan jam spertis gravajn korajn malsanproblemojn, kaj dufoje oni operaciis al li, unuafoje en Armenio (1999) kaj poste en Francio. Li ricevadis medicinajn traktojn ĉe franciaj kaj rusiaj klinikoj. En la 25-a de marto, 2007, post preskaŭ 7 jarojn en la ĉefministra posteno (kiun li intencis forlasi post la okazontaj en majo balotoj en Armenio), li suferis miokardian infarkton (t.n. koratako) en la apartamento, kaj jam estis mortanta kiam alvenis la krizmedicinistoj. Oni provis revivigi lin sen sukceso.

Lin postvivas vidvino, du filinoj, unu filo, kaj kvin genepoj.