Pont Harbwr Auckland

Pont draffordd craffrwymau wyth-lôn dros Harbwr Waitemate yw Pont Harbwr Auckland, sy'n cysylltu St Marys Bay yn Ninas Auckland gyda Northcote ar Y Lan Ogleddol. Mae'n ran o State Highway 1 a Thraffordd Ogleddol Auckland ac yn cael ei weithredu gan y New Zealand Transport Agency (NZTA).[1] Dyma'r bont ffordd ail-hiraf yn Seland Newydd a'r hiraf yn Ynys y Gogledd.[2]

Pont Harbwr Auckland
Mathcantilever bridge, pont ffordd, box truss Edit this on Wikidata
Agoriad swyddogol30 Mai 1959 Edit this on Wikidata
Sefydlwyd
  • 30 Mai 1959 Edit this on Wikidata
Daearyddiaeth
LleoliadAuckland Edit this on Wikidata
SirAuckland Region Edit this on Wikidata
GwladBaner Seland Newydd Seland Newydd
Cyfesurynnau36.8294°S 174.7464°E Edit this on Wikidata
Hyd1,020 metr Edit this on Wikidata
Map
Deunydddur Edit this on Wikidata

Ei hyd yw 1,020 metr (3,348 troedfedd), gyda phrif rhychwant o 243.8 metr, gan godi 43.27 metr uwchben lefel ucha'r dŵr[3] ac felly'n caniatáu mynediad i longau at lanfa dŵr dwfn y Chelsea Sugar Refinery.

Agorwyd y bont yn swyddogol ar 30 Mai 1959 gan Yr Arglwydd Cobham Llywodraethwr-Gyffredinol Seland Newydd.[4]

Adeiladwyd y bont gyda phedair lôn yn unig ar gyfer traffig. Daeth hyn yn annigonol yn dilyn tŵf cyflym maestrefi'r Lan Ogleddol. Yn 1969, ychwanegwyd rhannau rhwymdrawst dwy-lôn ar y naill ochr, gan ddyblu nifer y lonau i wyth. Cynhyrchwyd yr rhannau hyn gan Ishikawajima-Harima Heavy Industries o Siapan, a arweiniodd at y llysenw 'Nippon clip-ons'. Roedd dewis y cwmni'n gam mentrus ar y pryd, llai nag 20 mlynedd ers diwedd Yr Ail Ryfel Byd, gan bod teimladau wrth-Siapaneaidd yn dal i fodoli yn y wlad.[5][6]

Chwifio'r Ddraig Goch

Yn 2006, chwifwyd y Ddraig Goch oddi ar y bont i ddathlu Dydd Gŵyl Dewi.[7] Newidiwyd y polisi o chwifio banneri yn 2007 fel mai dim ond banner Seland Newydd fyddai'n cael ei chwifio.[8]

Y bont o'r dwyrain
Y bont yn cael ei hadeiladu

Cyfeiriadau