Pan-geltiaeth

Mudiad a ffordd o feddwl o blaid annog cyfnewid diwylliannol a gwleidyddol rhwng y gwledydd Celtaidd yw pan-geltiaeth^[1] neu oll-geltiaeth^[2]. O ddiwedd y 18fed ganrif, fe ddatblygodd ochr yn ochr â rhamantiaeth a'r Dadeni Celtaidd.

Er nad oedd un "genedl" geltaidd yn yr henfyd, erbyn heddiw mae Iwerddon, yr Alban, Cymru, Cernyw, Llydaw ac Ynys Manaw yn ystyried eu hunain yn ddisgynyddion i'r Celtiaid.

Enghreifftiau cyfredol

Ceir enghreifftiau cyfredol o feddylfryd a gweithrediaeth Pan-Geltiaeth ym maes diwylliant ac iaith:

Carn - cylchgrawn yr Undeb Celtaidd
Gŵyl Rhyng-Geltaidd An Oriant - gŵyl cerddoriaeth a dawns gyda chyfranwyr o'r Gwledydd Celtaidd (ac, am ryw reswm, Galisia ac Asturias)
Gŵyl Ban Geltaidd - gŵyl flynyddol a gynhelir fel rheol yn nhref Killarney. Mae enillwyr cystadleuaeth Cân i Gymru yn cynrychioli Cymru yn yr Ŵyl Ban Geltaidd.
Y Gyngres Geltaidd - sefydlwyd yn 1902; mudiad academaidd a diwylliannol
Undeb Celtaidd - (Celtic League) sefydlwyd yn 1961, mudiad gwleidyddol a diwylliannol
Cymdeithas Cymru-Llydaw - mudiad llawr gwlad i hybu dealltwriaeth a pherthynas rhwng Cymru a Llydaw^[3]

Memorandwm Dealltwriaeth rhwng Llywodraeth Cymru a Llywodraeth Cyngor Llydaw ^[4]^[5]^[6]

Cyfeiriadau

[1]

[2]

[3]

[4]

[5]

[6]