Jason Kouchak

Ganwyd Jason Mariano Kouchak yn Lyon, Ffrainc. Cafodd ei addysg cynnar yn Ysgol Westminster ac astudiodd piano clasurol yng Ngholeg Cerdd Brenhinol Llundain a Phrifysgol Caeredin. Mae o’n ddisgynnydd o Aleksandr Kolchak, Cadlywydd Llynges o Rwsia.

Mae Jason Kouchak wedi cyhoeddi pump albwm, recordiodd dau ohonynt yn Stiwdio Ffordd Abaty Llundain. Perfformiodd Jason ei gyfansoddiadau cerddorol ar y BBC a chwmni darlledu Siapan NHK.

Mae o wedi perfformio yn y Royal Festival Hall (Llundain), Salle Pleyel (Paris), a Mariinsky Theatre (St Petersburg) efo datganiadau yng Ngŵyl Rhyngwladol Caeredin.

Perfformiadau eraill gan gynnwys "The Moon represents my Heart" trefnwyd i Julian Lloyd Webber a Jiaxin Cheng yng Nghlwb Celf Chelsea - cyngerdd gala i ddathlu penblwydd 60 Lloyd Webber. Hefyd Cyngerdd Guildhall yn 2010 gyda'r gantores a'r actores Elaine Paige i ddathlu daucanmlwyddiant Chopin.

Canodd hefyd mewn perfformiadau cabaret yn y Café de Paris a’r Café Royal.

Yn 2012 perfformiodd Jason yng Ngŵyl Llenyddol Galle gyda Tom Stoppard ac yn yr un flwyddyn rhoddodd ddatganiad piano yn noson agoriadol y Gwyddbwyll Clasurol Llundain.^[2] Hefyd yn 2012 roedd yn Gyfarwyddwr Cerdd yn Llundain a Chaeredin o'r ugeinfed ddathliad o ŵyl Ffilm Ffrainc a perfformiodd ar ddathliad Chopin yn y Llysgenhadaeth Prydeinig ym Mharis.^[3]

Ym 1990 i ddathlu penblwydd 60 Y Dywysoges Margaret, gwahoddwyd Jason i berfformio yng Ngwesty Ritz. Hefyd yn yr un flwyddyn gwahoddwyd ef i chwarae'r piano ar noson gyntaf o ddangosiad y ffilm Hamlet gan Franco Zeffirelli.

Perfformiodd Kouchak ei ddehongliad o “Sakura” o flaen Ymherodr Akihito yn Amgueddfa Victoria ac Albert yn Llundain a perfformiodd y darn yma hefyd yn 1995 ar amgylchiad elusen daeargryn Kobe. Cafodd y darn yma ei recordio yn 1999 gyda Julian Lloyd Webber ar ei albwm Cello Moods a'i gyflwyno gan sglefrwraig iâ Olympaidd Yuka Sato.^[4]

Rhwng 2011-2013 fe berfformiodd Kouchak y gân o Rwsia “Dark is the Night”.^[5]

Hefyd yn 2015 perfformiodd “Scheherazade” yn Seremoni Agoriadol Swyddogol yng Ngŵyl Llenyddiaeth Cwmni Hedfan Emirates ^[6][7] a chyfansoddodd cân destun Swyddogol yr Ŵyl yn 2016.^[8]

Mae cyfraniadau Kouchak yn cynnwys lansio dau set o wyddbwyll enfawr i blant^[9] ym Mharc Holland Llundain gyda Stuart Conquest yn 2010 ac yn Y Meadows (parc) Caeredin yn 2013^[10] a set gwyddbwyll John Tenniel o Alys yng Ngwlad Hud.^[11] Hefyd cyfansoddodd cân destun swyddogol elusen gwyddbwyll “Moving Forward” i CSC.^[12][13]

Yn 2011 sylfaenodd Kouchak Côr Plant Tsubasa i agor Gŵyl Matsuri ac yn 2012 - blwyddyn Jiwbili Y Frenhines - perfformiodd Jupiter allan o Holst's Planets Suite yn Sgwâr Trafalgar, Llundain.

Yn 2016 cafodd ei waith cerddorol gwyddbwyll a bale ei berfformio yn yr Amgueddfa Brydeinig ac yn Efrog Newydd i ddathlu cymeriadau benywaidd fel Breninesau yng ngwyddbwyll.^[14][15]

• Space Between Notes (2017)
• Comme d'Habitude (2011)^[1]
• Midnight Classics (2008)^[1]
• Forever (2001)^[1]
• Watercolours (1999)^[1]
• Première Impression – 1997^[1]
• Cello Moods (Sakura)

• / Gwefan swyddogol^{[dolen marw]}