Isabella Rossellini
Actores a model o'r Eidal yw Isabella Rossellini (ganwyd 18 Mehefin 1952) sydd hefyd yn cael ei hystyried yn nodigedig am ei gwaith fel cyfarwyddwr ffilm, hunangofiannydd ac awdur.[1][2][3]
| Isabella Rossellini | |
|---|---|
 | |
| Ganwyd | Isabella Fiorella Elettra Giovanna Rossellini  18 Mehefin 1952 Rhufain |
| Dinasyddiaeth |  Yr Eidal |
| Alma mater |
|
| Galwedigaeth | model, cyfarwyddwr ffilm, hunangofiannydd, actor ffilm, actor teledu, sgriptiwr |
| Tad | Roberto Rossellini |
| Mam | Ingrid Bergman |
| Priod | Martin Scorsese |
| Partner | David Lynch, Gary Oldman, Daniel Toscan du Plantier |
| Gwobr/au | Gwobr Rachel Carson, Gwobr Sadwrn am yr Actores Gefnogol Orau |
Yn ferch i'r actores Swedaidd Ingrid Bergman a chyfarwyddwr ffilm Eidalaidd Roberto Rossellini, mae'n enwog am fod yn un o brif fodelau'r cwmni Lancôme, ac am ei rolau mewn ffilmiau fel Blue Velvet (1986) a Death Becomes Her (1992). Derbyniodd Rossellini enwebiad Gwobr Golden Globe am ei pherfformiad yn Crime of the Century (1996).
Fe'i ganed yn Rhufain a mynychodd Goleg Finch, Efrog Newydd. Priododd Martin Scorsese. [4][5][6][7]
Magwraeth
Mae ganddi dri brawd a chwaer gan ei mam: ei chwaer efaill brawdol Isotta Rossellini, sy'n athro-prifysgol mewn llenyddiaeth Eidalaidd; brawd, Robertino Ingmar Rossellini; a hanner chwaer, Pia Lindström, a arferai weithio ar y teledu ac sydd o briodas gyntaf ei mam â Petter Lindström. Mae ganddi bedwar o frodyr a chwiorydd eraill o ddwy briodas arall ei thad: Romano (a fu farw yn naw oed), Renzo, Gil, a Raffaella.[8]
Magwyd Rossellini yn Rhufain, yn ogystal ag yn Santa Marinella a Paris. Derbyniodd lawdriniaeth, sy'n dal i'w gweld ar ei bach tra'n dal yn yr ysgol gynradd.
Yn 19 oed, aeth i Ddinas Efrog Newydd, lle mynychodd Goleg Finch, gan weithio fel cyfieithydd a gohebydd teledu i'r cwmni RAI.[9] Ymddangosodd hefyd yn ysbeidiol ar L'altra Domenica (Sul Arall), sioe deledu yn cynnwys Roberto Benigni. Fodd bynnag, ni phenderfynodd aros yn llawn amser yn Efrog Newydd nes iddi briodi â Martin Scorsese (1979–1982), y cyfarfu â ef i'w gyfweld ar gyfer RAI.[10]
Mae ganddi ferch, Elettra Rossellini Wiedemann (ganwyd 1983) a mab mabwysiedig, Roberto Rossellini (ganwyd 1993).
Modelu
Yn 28 oed, dechreuodd ei gyrfa fodelu, pan dynnwyd llun ohoni gan Bruce Weber ar gyfer Vogue Prydain a gan Bill King ar gyfer Vogue UDA. Gweithiodd gyda llawer o ffotograffwyr enwog eraill, gan gynnwys Richard Avedon, Steven Meisel, Helmut Newton, Peter Lindbergh, Norman Parkinson, Eve Arnold, Francesco Scavullo, Annie Leibovitz, Denis Piel, a Robert Mapplethorpe. Mae ei llun wedi ymddangos ar gylchgronau fel Marie Claire, Harper's Bazaar, Vanity Fair, ac ELLE. Ym Mawrth 1988, cynhaliwyd arddangosfa o ffotograffau ohoni, o'r enw Portrait of a Woman, yn y Musee d'Art Moderne ym Mharis.
Arweiniodd gyrfa fodelu Rossellini hi i fyd colur, pan ddaeth yn llefarydd ar gyfer brand colur Ffrainc Lancôme ym 1982, gan ddisodli Nancy Dutiel yn yr Unol Daleithiau a Carol Alt yn Ewrop.
Actio
Gwnaeth Rossellini ei ffilm gyntaf gydag ymddangosiad byr fel lleian gyferbyn â'i mam yn A Matter of Time ym 1976. Ei rôl llawn gyntaf oedd y ffilm Il Prato yn 1979 , ac yna ym 1980 ymddangosodd yn y ffilm Il pap'occhio gyda Martin Scorsese.
Darllen pellach
- "Isabella Rossellini: Biography". Iconoclasts. Sundance Channel L.L.C. Archifwyd o'r gwreiddiol (Flash) ar 29 Ionawr 2007. Cyrchwyd 29 Ionawr 2007. Unknown parameter
|deadurl=ignored (help) - Rossellini, Isabella (1997). Some of Me. New York: Random House. ISBN 0-679-45252-4.
- Rossellini, Isabella (2002). Looking at Me: On Pictures and Photographers. Munich: Schirmer Art. ISBN 3-8296-0057-7.
- Rossellini, Isabella (2006). In the Name of the Father, the Daughter and the Holy Spirits: Remembering Roberto Rossellini. London: Haus Publishing. ISBN 1-904950-91-4.
Anrhydeddau
- Dros y blynyddoedd, derbyniodd nifer o anrhydeddau, gan gynnwys: Gwobr Rachel Carson (2010), Gwobr Sadwrn am yr Actores Gefnogol Orau .