Haint
Mae haint yn ganlyniad o bathogen (sylwedd heintus neu afiach) yn ymosod ar feinweoedd corff organeb, ynghyd ag ymatebiad y meinweoedd hynny i'r tocsinau a gynhyrchir.[1][2] Gelwir anhwylderau sy'n deillio o heintiau yn glefydau heintus, neu'n afiechydon trosglwyddadwy.
| Enghraifft o'r canlynol | cydran neu system yn methu  |
|---|---|
| Math | cyflwr ffisiolegol, adverse event, ffynhonnell risg, problem iechyd |
| Arbenigedd meddygol | Afiechydon heintiol |
 Ffeiliau perthnasol ar Gomin Wicimedia | |
Mae'r pathogenau sy'n achosi heintiau yn cynnwys firysau, firoidau, prionau a bacteria; nematodau megis llyngyr parasitig; arthropodau megis ticiau, gwiddon, chwain, a llau; ffwng megis tarwdenni; a macroparasitiaid eraill megis mathau o llynghyren.
Gall organedd letyol frwydro heintiau'n defnyddio eu system imiwnedd. Ymateba mamaliaid letyol i heintiau mewn modd cynhenid, ac yn aml mae'r dulliau ymateb yn cynnwys llid ynghyd ag ymatebion ymaddasol eraill.[3]
Ymhlith y meddyginiaethau penodol a ddefnyddir i drin heintiau y mae gwrthfiotigau, gwrthfeirysau, meddygaeth gwrth-protosoaidd, gwrthffyngoliaid, a gwrthlynghyryddion. Arweiniodd clefydau heintus at 9.2 miliwn o farwolaethau yn 2013 (tua 17% o'r cyfanswm marwolaeth).[4] Cyfeirir at y gangen o feddyginiaethau uchod fel meddyginiaethau clefydau heintus.[5]