Deddf Cymru 2014
Mae Deddf Cymru 2014 [1] yn Ddeddf ddatganoli Cymreig gan Senedd y Deyrnas Unedig .
Cyflwynwyd y mesur i Dŷ’r Cyffredin ar 20 Mawrth 2014 [2] gan Brif Ysgrifennydd y Trysorlys, Danny Alexander ac Ysgrifennydd Gwladol Cymru, David Jones . [3] Pwrpas y mesur oedd gweithredu rhai o argymhellion Comisiwn Silk gyda’r nod o ddatganoli pwerau pellach o’r Deyrnas Unedig i Gymru .
Llwyddodd i basio’r rhwystrau olaf yn San Steffan a chafodd gydsyniad Brenhinol ar 17 Rhagfyr 2014, gan ddod yn gyfraith. [4]
Darpariaethau
Mae darpariaethau’r Ddeddf yn cynnwys y canlynol: [1]
- Datganoli’r dreth stamp, ardrethi busnes a’r dreth dirlenwi i Gymru a galluogi’r Cynulliad Cenedlaethol i godi trethi newydd sy’n benodol i Gymru yn eu lle. [5] Gellir datganoli trethi pellach hefyd, gyda chytundeb Senedd y DU a Chynulliad Cymru.
- Darparu ar gyfer refferendwm yng Nghymru ynghylch a ddylai elfen o dreth incwm gael ei datganoli. Os bydd pleidlais o blaid yna bydd y Cynulliad Cenedlaethol yn gallu gosod cyfradd treth incwm Cymreig. Bydd amrywiadau mewn refeniw yn cael eu rheoli gan bwerau benthyca newydd i Weinidogion Cymru.
- Ymestyn tymhorau Cynulliad Cymru yn barhaol o bedair i bum mlynedd er mwyn lleihau’r siawns y bydd etholiadau’r Cynulliad yn gwrthdaro ag etholiadau cyffredinol i Senedd San Steffan o ganlyniad i Ddeddf Seneddau Cyfnod Penodol 2011 .
- Cael gwared ar y gwaharddiad ar ymgeiswyr yn etholiadau Cynulliad Cymru rhag sefyll mewn etholaeth a hefyd bod ar y rhestr ranbarthol.
- Gwahardd Aelodau Cynulliad Cymru rhag bod yn ASau hefyd (gweler mandad deuol ).
- Newid enw Llywodraeth Cynulliad Cymru yn ffurfiol i Lywodraeth Cymru .
- Egluro sefyllfa'r Prif Weinidog rhwng diddymu'r Cynulliad ac etholiad Cynulliad.
- Caniatáu i Weinidogion Cymru osod terfyn ar faint o ddyled tai y gall awdurdodau tai lleol unigol yng Nghymru ei dal. Bydd Trysorlys y DU yn cyfyngu ar gyfanswm dyled tai Cymru.
- Ei gwneud yn ofynnol i Gomisiwn y Gyfraith roi cyngor a gwybodaeth i Weinidogion Cymru ar y materion diwygio’r gyfraith y gwnaethant eu cyfeirio at y Comisiwn.[1]
Gweler hefyd
- Datganoli Cymru
- Comisiwn ar Ddatganoli yng Nghymru
- Cytundeb Dydd Gwyl Dewi
- Deddf Cymru 2017
- Deddf Llywodraeth Cymru 2006
Cyfeiriadau
Dolenni allanol
- legislation.gov.uk Deddf Cymru 2014
🔥 Top keywords: XXX: Return of Xander CageHafanSiôn Daniel YoungCarles PuigdemontArbennig:SearchArwel GruffyddSwper OlafWicipedia:CategorïauSpotifyRun Hide FightYr Ail Ryfel BydArbennig:RecentChangesSex TapeMaid in SwedenRyland TeifiWicipedia:Cysylltwch â niL.E.T.H.A.L. Ladies: Return to Savage BeachWicipedia:Gwadiad CyffredinolLlyn CraigypistyllPorn to Be FreeCymraegCymruNick ServiniWicipedia:Porth y GymunedWicipedia:CymorthWicipedia:Y CaffiWikipediaCapel CelynWicipedia:Ynglŷn â WicipediaWicipedia CymraegSpecial:SearchJess DaviesEmanuelle in AmericaEmmanuelle 4Xxx: State of The UnionAfter Porn Ends 2Caligula's SpawnCyfathrach rywiolIndia