Cynghrair Bêl-droed Legends
Mae Cynghrair Pêl-droed Legends (Saesneg; Legends Football League neu LFL) yn gynghrair pêl-droed Americanaidd i fenywod, gyda gemau'n cael eu chwarae yn y gwanwyn a'r haf yn stadia'r NBA, NFL, yr NHL a'r MLS. Sefydlwyd y gynghrair yn 2009 gan y Lingerie Football League a chafodd ei ail-frandio fel 'Cynghrair Bêl-droed Legends' yn 2013.[1][2] Yn Los Angeles mae pencadlys y gynghrair.
Background
.jpg)
Daeth y cysyniad o Super Bowl amgen a chwaraewyd hanner amser ar deledu pay-per-view, o'r enw Lingerie Bowl.[3] Cynhaliwyd y tair gêm gyntaf rhwng 2004 a 2006 gan eu galw'n Lingerie Bowls I, II, and III. O 2007 i 2009, canslwyd y gemau am resymau amrywiol. Yn 2009, ehangodd cadeirydd yr LFL, Mitch Mortaza, y cysyniad o un gêm flynyddol i gynghrair o 10 tim.
Rheolau
.jpg)
Mae arddull y chwarae yn un cyswllt llawn ac yn debyg i gynghreiriau pêl-droed eraill yn UDA.Mae'r gwisgoedd yn cynnwys padiau ysgwydd, padiau penelin, padiau pen-glin, helmedau hoci iâ plastig gyda fisorau clir yn lle masgiau wyneb. Cyn 2013 roedd y chwaraewyr yn gwisgo gardas a dillad isaf.
Mae saith o fenywod ar bob ochr i'r maes 50 llathen, un yn llai nag yr wyth chwaraewyr sydd fel arfer. Mae'r timau'n cynnwys 20 o chwaraewyr, ond dim ond 14 o'r rhain yn weithredol ar ddiwrnod gêm. Mae hyn yn golygu fod tri neu bedwar o chwaraewyr sy'n chwarae y ddwy ffordd, fel y " menywod haearn". Caniateir i'r hyfforddwyr amnewid eu chwaraewyr fel y mynnont.
Ehangu
Sefydlwyd yr LFL yn yr Unol Daleithiau, ond yn 2012, lansiwyd cydymaith yng Nghanada ac yna yn Awstralia ym mis rhagfyr 2013. Cychwynwyd cynghrair hefyd yn Ewopa, sef LFL Europa, yn 2016 gyda thimoedd yn Nulyn, Manceinion, Düsseldorf a Hamburg.