ھێلین میرین
ھێلین میرین (لەدایکبووی ٢٦ی تەممووزی ١٩٤٥) خانمەکتەر و شانۆکاری ئینگلیزە.[١] ئەو چەند خەڵاتێکی بەدەستھێناوە و یەکێکە لەو خانمە ئەکتەرانەی کە سێ تاجی نواندنی وەرگرتووە، بەوەی جارێک بووەتە براوەی خەڵاتی ئۆسکار، جارێکیش خەڵاتی تۆنی باشترین خانمەئەکتەر لە شانۆ، ھەروەھا چوار جاریش بووە براوەی خەڵاتی ئێمی پڕایم تایم.
ھێلین میرین | |
---|---|
بە ئینگلیزی: Helen Mirren | |
![]() | |
لەدایکبوون | Hammersmith، شانشینی یەکگرتوو | ٢٦ی تەممووزی ١٩٤٥
ناوی کاتی لەدایکبوون | Helen Lydia Mironoff |
باوک | Basil Mirren |
دایک | Kitty Rogers |
زمانی زگماکی | ئینگلیزی |
پەروەردە | Middlesex University، St Bernard's High School and Arts College |
دەستپێکی چالاکی | ١٩٦٦ |
ئەندامی | پەیمانگای ئەمریکیی ھونەر و زانست |
وێبگە | http://www.helenmirren.com/ |
Documentation files at | SAPA Foundation, Swiss Archive of the Performing Arts |
ھێلین لە ساڵی ١٩٦٧، بە فیلمی Herostratus دەرکەوت. لە ساڵی ١٩٨٠، لە یەکەم فیلمی گەورەیدا ڕۆڵی گێڕا، ئەمەش لە فیلمی ھەینییەکی درێژ بوو. لە ساڵی ١٩٨٤ بەھۆی ڕۆڵگێڕانی سەرەکی لە فیلمی Cal، خەڵاتی باشترین خانمەکتەری پێدرا لە فیستیڤاڵی فیلمی کان. لە ساڵی ٢٠٠٦، بەھۆی ڕۆڵگێڕانی کەسایەتی شاژنە ئێلیزابێتی دووەم، لە فیلمی شاژنەکە (The Queen)، خەڵاتی ئۆسکاری پێدرا بۆ باشترین خانمەئەکتەر.[٢] ھەروەھا پاڵێوراوبووە بۆ ھەمان خەڵات لەڕێی فیلمەکانی شێتییەتی کینگ جۆرج (١٩٩٤)، پارکی گۆسفۆرد (٢٠٠١)، ھەروەھا فیلمی دوایین وێستگەکە (٢٠٠٩).
ژیانی تاکەکەسی
ھێلین لە ھەشتایەکان لەگەڵ ئەکتەر لیام نیسن لە پەیوەندیدا بووە و دەژیان، ئەمەش لەدوای بەیەکەوە کارکردنیان ھات لە فیلمی Excalibur لە ساڵی ١٩٨١. دواتر لە ٣١ی کانوونی یەکەمی ١٩٩٧، ھێلین ھاوسەرگیری لەگەڵ دەرھێنەری ئەمریکی تایلۆر ھاکفۆرد کرد، ئەوان لەوەتەی ساڵی ١٩٨٦ لە پەیوەندیدا بوون.[٣]
ھێلین لە ساڵی ٢٠١٧، ڕەگەزنامەی ئەمریکی وەرگرت، ھەروەھا لە ساڵی ٢٠٢٠ لە ھەڵبژاردنەکانی ئەمریکا دەنگیدا.[٤][٥]