پێشمەرگە

مێژووناسی کورد کەریم زەند دەڵێت:لە سەردەمی کۆماری کوردستاندا، بە فەرمانی پێشەوا قازی محەممەد لیژنەیەک دانرا بە مەبەستی دۆزینەوەی ناوێک بۆ ھێزی کوردیی، لیژنەکە بریتی لە ھەژار موکریانی، ھێمن موکریانی، محەمەد تۆفیق وردی و کەریم زەند بوو. ئەم لیژنەیە لە دانیشتنێکی تایبەتدا، گەلێک ناویان تاوتوێ کردووە.لیژنەکە ھەر لە مشتومڕدا بوون کە لە ناکاو خزمەتگوزارێک کە لەوێ بووە و بەردەستیی دەکردن و ناوی میرزای ڕەشیدی بوو گوتی: ئاغایان دەبینم ئێوە کاژێرێکی تەواو خەریکن کە ناوێکی شیاو بدۆزنەوە، لە کاتێکدا ئێمە ناوی پێشمەرگەمان ھەیە، لەمێژە بەکاربراوە.لیژنەکە ناوەکەیان بە شادومانییەوە وەرگرت و ناوی پێشمەرگەیان پێشکەشی پێشەوای مەزن کرد، ئەویش زۆر لای پەسەند بوو و ناوی پێشمەرگە بە فەرمیی ناسرا.

• پارتی دیموکراتی کوردستان، ٦ یەکینە (لەشکەری ٨٠، زێرەڤانی، پێشمەرگەی ڕۆژ، ھێزی پاراستنی ئێزیدخان، تیپی جزیر، فەرماندەیی ھێزەکانی شنگال)، ١٣٢٠٠٠ کەس، ٤٤/٤ لەسەد
• یەکێتیی نیشتمانیی کوردستان، ٥ یەکینە (لەشکەری ٧٠، ھێزی بەرگریی فریاگوزاری، دەزگای دژەتیرۆر، فەرماندەیی ھێزەکانی یەکێتی نیشتمانی، ھێزە ئەمنییەکانی یەکێتی نیشتمانی)، ٨١٠٠٠ کەس، ٢٧/٣ لەسەد
• وەزارەتی کاروباری پێشمەرگە، ١ یەکینە، ٨٤٠٠٠ کەس، ٢٨/٣ لەسەد^[٢٨]

^[٢٩]

فەرماندەکانی ھێزی پێشمەرگەی باشووری کوردستان:

• فەریق سیھاد بارزانی: پشتوانی
• لیوا سیروان بارزانی: مەخموور
• لیوا مەنسوور بارزانی: لەشکرەکان
• لیوا ڕەوان بارزانی: ھیزی تایبەت
• لیوا سۆران محەممەد جاف: کۆماندۆ
• لیوا فرسەت خەزالی: ھەواڵگری
• لیوا برووسک قەساب - خانەنشین
• لیوا مەریوان: یەکەی ٧٠
• لیوا نەجات عەلی: یەکەی ٨٠
• لیوا بەھزاد: سوپای بارزان
• لیوا حەمەڕێگر - پردێ
• لیوا مەردان چاوشین: قەرەتەپە
• لیوا مەمحود سەنگاوی - میحوەری گەرمیان
• لیوا نووری حەمە عەلی: میحوەری ٦
• لیوا عەزیز بانی: زێرەڤانی
• لیوا سەید ھەژار: زێرەڤانی

لە ڕۆژھەڵاتی کوردستانیش، پارتە کوردستانییەکان لە وشەی پێشمەرگە بۆ ھێزە چەکدارەکانیان کەڵک وەردەگرن. بە شێوەی دیاریکراو لە ئێستاکەدا، بە ھێزە چەکدارەکانی سازمانی خەباتی کوردستانی ئێران، حیزبی دێموکراتی کوردستانی ئێران، کۆمەڵە ڕێکخراوی کوردستانی حیزبی کۆمۆنیستی ئێران، حیزبی کۆمەڵەی کوردستانی ئێران، کۆمەڵەی زەحمەتکێشانی کوردستان، پارتی ئازادیی کوردستان، حیزبی ڕزگاری، سوپای ڕزگاریی کوردستانی ئێران و ڕێکخراوەی خەباتی شۆڕشگێڕی کوردستان پێشمەرگە دەوترێت. ئەمە لە حاڵێکدایە کە پارتی ژیانی ئازادی کوردستان لە وشەی گەریلا کەڵک وەردەگرێت.

لە سەربزێویی کوردانی ڕۆژھەڵات لە ساڵی ١٩٧٩دا، ھێزەکانی دو ڕێکخراوی چەکداری فیدایی، واتە چریکەکانی فیداییی گەلی ئێران (ئەرتەشی ڕزگارکەری گەلانی ئێران)^[٣٠] و ڕێکخراوەی چریکەکانی فیداییی گەلی ئێران-کەمینە^[٣١] لە وشەی پێشمەرگەیان کەڵک وەردەگرت و ناوی پێشمەرگەی فیدایییان لە سەری ھێزە چەکدارانی خۆی دانابوو.

• گەریلا

• دەروازەی سیاسەت
• دەروازەی شەڕ
• دەروازەی کوردستان