وەڵامدانەوەی ویلایەت و حکومەتە ناوچەییەکانی ویلایەتە یەکگرتووەکانی ئەمریکا بەرامبەر پەتای جیھانی کۆڤید-١٩

لە ڕێکەوتی ٧ی ئازاری ٢٠٢٠دا، باری لەناکاو ڕاگەیەندرا لەلایەن لێپرسراوی ویلایەتەکە (ئاندرۆ کۆمۆ).^[٤]

لە ١٣ی ئازاردا، پشکنینی گەرۆک لە شاری نیو ڕۆچێڵ و ناوچەی وێستمنسەر دەستی پێکرد.^[٥]

لە ١٥ی ئازاردا، قوتابخانە گشتییەکان لە ناوچەکانی وێستمنستەر، سەفۆڵک، ناساو و شاری نیۆرک داخراون.^[٦]

لە ١٧ی ئازاردا، پارێزگار (دێ بڵازیۆ) ڕایگەیاند کە بەڕێوبەرایەتی شارەکە بیر لە کەرەنتینەکردنی شارەکە دەکەنەوە بۆ ماوەی ٤٨ کاتژمێری داھاتوو.^[٧]

لە ٢٠ی ئازاردا، لێپرسراوی ویلایەتەکە (کۆمۆ) ھەستا بە ڕاگەیاندنی فەرمانی مانەوە لە ماڵەوە لە سەرتاسەری ویلایەتەکەدا کە ھەموو دوو ھەفتە جارێک فەرمانەکە خوێندنەوەی بۆ دەکرێتەوە.^[٨]

لە ٢٩ی ئازاردا، فەرمانی مانەوە لە ماڵەوە تا ١٥ی نیسان درێژکرایەوە.^[٩]

لە ٧ی نیسان، فەرمانەکە ھەتا ٢٩ی نیسان درێژکرایەوە.^[١٠]

لە ١٢ی ئازاردا، لە ویلایەتی ئالاسکا فرۆکەوانێکی فرۆکەی بارھەڵگر یەکەمین باری تووشبووی ڤایرۆسی کۆڤید-١٩ بوو. ھەموو جۆر و قەبارە مەراسیمێک (ئاھەنگی گۆرانی، کۆبوونەوە و بۆنە یاریییەکان) لە سەرتاسەری ویلایەتەکەدا ھەڵوەشایەوە.^[١١]

لە ١٣ی ئازاردا، ھەتا ٣٠ی نیسان قوتابخانەکان داخران بۆ سنووردارکردنی بڵاوبوونەوەی ڤایرۆسی کۆرۆنا.^[١٢]

لە ١٨ی ئازاردا، لە ھەوڵێکی حکومەتی ئالاسکادا بۆ بەرگرتن بە نەخۆشییەکە چێشتخانەکانی شوێنی نان خواردنیان ھەیە داخران.^[١٣]

لە ٢٧ی ئازاردا، لێپرسراوی ویلایەتەکە (مایک دەنلێڤی) ھەستا بە دەرکردنی چەند بڕیارێک بۆ سەراتسەری ویلایەتەکە وەک: مانەوە لە ماڵەوە، قەدەغەکردنی گەشت لە نێوان ناوچەکانی ناوخۆیی ویلایەتەکە، خود کەرەنتینە کردن بۆ سەردانیکەرانی دەرەوەی ویلایەتەکە و ھەروەھا ڕێگەدان بە ناوچە و کۆمەڵگە بچووکترەکان بە دانانی ڕێکاری توندتر لەسەر گەشت).^[١٤]

لە ١١ی ئازاردا، لێپرسراوی ویلایەتەکە (ئاسا ھەچنسن) ھەستا بە ڕاگەیاندنی باری لەناکاوی تەندروستی گشتی وەک وەڵامدانەوەیەک بۆ یەکەمین تووشبووی گوومانلێکراو بە نەخۆشییەکە.^[١٥]

لە ١٢ی ئازاردا، لێپرسراوی ویلایەتەکە فەرمانی دا بە داخستنی قوتابخانەکان لە ناوچەکانی سالین، جێڤرسن، پولاسکی و گرانت ھەتا ڕێکەوتی ٣٠ی ئازار.^[١٦]

لە ١٤ی ئازاردا، پاسەوانی نەتەوەیی ئارکەنساس چالاک کرا بۆ یارمەتیدانی کردەی دابینکردن پێداویستی، گواستنەوە و کارپێکردنی ناوندەکانی پەیوەندی فریاگوزاری.

لە ١٥ی ئازاردا، ھەچنسن لە کۆبوونەوەیەکی ڕۆژنامەوانی دا ڕایگەیاند کە ھەموو قوتابخانە گشتییەکانی ویلایەتەکە لە ڕۆژی ١٧ی ئازارەوە دادەخرێن.^[١٧]

لە ١٧ی ئازاردا، لێپرسراوی ویلایەت (ھەچنسن) بۆ ماوەی دوو ھەفتە قۆمارخانەکانی داخست.^[١٨]

لە ١٩ی ئازاردا، ھەستا بە درێژکردنەوەی داخستنی قوتابخانە گشتییەکان ھەتا ڕێکەوتی ١٧ی نیسان و فەرمانی بە چێشتخانە و مایخانەکان کرد کە دەتوانن کار بکەن تەنھا لەرێی خزمەتگوزاری گەیاندنەوە.^[١٩]

لە ٣ی نیسان دا، شاری بێنتن و ناوچەی سالین ھەستان بە دەرکردنی فەرمانی لە ماڵەوە مانەوەی کەسانی ھەرزەکار و لاو.^[٢٠]

ئەم ڕیزبەندییەی خوارەوە بریتییە لەو ڕێکار و بریارانەی لەسەر ئاستی ویلایەتەکان فەرمانی جێبەجێ کردنیان بۆ دەرچووبوو وەک سنووردارکردن، کەم کردنەوە و داخستنی ناوەندەکان لە ئەنجامی بڵاوبوونەوە پەتا جیھانییەکە. بەڵام سەرەڕای ئەم ڕێکارانە چەندین وڵات و دەسەڵاتی ناوچەیی و ناوخۆیی دیکە ھەستابوون بە سەپاندنی ڕێکار و ڕێنمای توندتر.

• دەروازەی پزیشکی
• دەروازەی ویلایەتە یەکگرتووەکانی ئەمریکا