ناحیەی نەمروود

• ناوی ناحیەی نەمروود لەوەوە ھاتووە کە شوێنەواری یەکێک لە چوار پایتەختی ئاشوورییەکان کە کالێ(نەمروود)ە کەوتووەتە ئەم ناحیەوە ناوەکەی لەم شوێنەوارەوە وەرگیراوە.^[٣]

تا پێکھێنانی دەوڵەتی عێراقی تازە لە ساڵی ١٩٢٦، قەزایەک بە ناوی قەزای حەمدانیە یا قەرەقووش یا باخودیدا نەبوو، بەڵکو باخودیدا(قەرەقووش) گوندێکی گەورە بوو، دیانە یەعقوبییەکان و ھی تری تیادا دەژیان و ڕاستەوخۆ سەر بە مەڵبەندی ناحیەی مووسڵ بوو، بەڵام پاش دامەزراندنی دەوڵەتی عێراقی ناحیەیەک بەناوی ناحیەی قەرەقووش دامەزرا و سەرەتا خرایە سەر قەزای شێخان، ئینجا خرایە سەر قەزای مووسڵ. لە پەنجاکانیش لەگەڵ پەرەسەندنی ھزری نەتەوایەتی عەرەبی و ھزری بە عەرەباندنی عێراق ناوی گۆڕدرا بە ناحیەی حەمدانیە. لەساڵی ١٩٧٠دا قەزایەکی نوێ بەناوی قەزای حەمدانیە، کە پێکھاتبوو لە ناحیەی قەرەقووش و ناحیەکانی نەمروود و بەرتڵە و کەڵەک، دامەزرا. ^[٤]

سنوری ناحیەی نەمروود:

• لە باکوورەوە ناحیەی حەمدانیە.
• لە باشوورەوە ناحیەی گوێر.
• لە ڕۆژھەڵاتەوە ناحیەی کەڵەک و ناحیەی گوێر.
• لە ڕۆژاواوە ناحیەی حەمام عەلیل و ناحیەی شورە.^[٥]

پێکھاتەی دانیشتووانی ناحیەکە بەم جۆرەیە:لێکۆڵینەوە لە پێکھاتەی دانیشتووانی قەزاکە، بە ھۆی کەمبوونی سەرژمێری ڕاستەقینە و دوور لە دەستکاری و ڕاگواستن و بە عەرەباندنە بەردەوامەکانی ناوچە کوردنشینەکانەوە کارێکی ئاسان نییە، بەڵام دەتوانینبڵێین کە لەم نەتەوانە پێک ھاتوون، زۆرینەی بە پلەی یەک مەسیحییەکان و پاشان پلە دوو کوردەکان و دواتر عەرەب و تورکمان.

لە ڕووی کارگێڕییەوە ئەم ناحیە پێک ھاتووە لە (٤٧) گوند.^[٦]

• ناحیەی حەمدانیە
• ناحیەی نەمروود
• ناحیەی بەرتڵە

• دەروازەی جوگرافیا
• دەروازەی عێراق