زۆی سالدانا
زۆی سالدانا (بە ئینگلیزی: Zoe Saldana، لەدایکبووی ١٩ی حوزەیرانی ١٩٧٨) خانمەکتەرێکی ئەمریکییە. بە پلەی یەکەم بەھۆی کارەکانی لە پاشکۆی فیلمی زانستی خەیاڵیدا ناسراوە. لە چەند فیلمێکی زۆرترین داھاتی ھەموو سەردەمەکاندا بەشداری کردووە، ئەوانیش بریتیین لە ئەڤەتار (٢٠٠٩)، تۆڵەستێنەکان: جەنگی بێکۆتا، تۆڵەستێنەکان: کۆتایی یارییەکە، ئەڤەتار: ڕێگەی ئاو (٢٠٢٢)، شێوازێک لە بەشداریکردن کە ھیچ ئەنجامدەرێکی تر بەدەستی نەھێنابێت. داھاتی فیلمەکانی لە سەرانسەری جیھاندا زیاتر لە ١١ ملیار دۆلار بووە و تا ساڵی ٢٠١٩ دووەم ئەکتەری سینەمایی بوو لە ھەموو سەردەمێکدا. سالدانا لە ١٩ی حوزەیرانی ١٩٧٨ لە شاری پاسایک لە ویلایەتی نیوجرسی لەدایکبووە.[١][٢][٣] زۆربەی تەمەنی منداڵی سەرەتایی لە شاری جاکسۆن ھایتس لە ویلایەتی کوینز لە شاری نیویۆرک بەسەربردووە. بە دوو زمان پەروەردە بووە و بە ئینگلیزی و ئیسپانی قسە دەکات. دوو خوشکی ھەیە بە ناوەکانی سیسێلی و ماریێل. باوکیان لە دەوروبەری نۆیەمین ساڵیادی لەدایکبوونیدا بەھۆی ڕووداوێکی ئۆتۆمبێلەوە گیانی لەدەستدا و دایکیشیان لەگەڵ منداڵەکاندا ڕوویان لە کۆماری دۆمینیکان کرد. سالدانا خۆشەویستی خۆی بۆ سەما لە کۆماری دۆمینیکان دۆزییەوە، پاشان ناوی خۆی تۆمار کرد لە ئەکادیمیای ECOS Espacio de Danza و فۆرمەکانی سەمای لەو دەخوێند.[٤]>[٥][٦]
