Лусио
Лусима́р Ферре́йра да Си́лва (порт.-браз. Lucimar Ferreira da Silva; 1978 шеран 8 май, Бразилиа), гӀолехь вевза Лу́сио (порт.-браз. Lúcio цӀарца) — Бразилин футболист, йуккъера турсло.
 Лусио | ||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||||||||||||||||||||||||||||||||||
| Йукъара хаамаш | ||||||||||||||||||||||||||||||||||||||||||||||||||||
| Йуьззина цӀе | Лусимар Феррейра да Силва | |||||||||||||||||||||||||||||||||||||||||||||||||||
| Вина терахь | 1978 шеран 8 май[1][2] (46 шо) | |||||||||||||||||||||||||||||||||||||||||||||||||||
| Вина меттиг | Бразилиа, Бразили | |||||||||||||||||||||||||||||||||||||||||||||||||||
| Гражданалла |  Бразили Германи | |||||||||||||||||||||||||||||||||||||||||||||||||||
| Локхалла | 188 см | |||||||||||||||||||||||||||||||||||||||||||||||||||
| Позици | юккъера турсло | |||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
| СовгӀаташ а, мидалш а | ||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
 Викиларми чохь медиафайлаш | ||||||||||||||||||||||||||||||||||||||||||||||||||||
Вевза «Интернасьонал», «Байер», «Бавария», италин «Интер» йукъахь ловзарца. 2002 шеран дуьненан чемпион, 2010 шеран Чемпионийн лигин толамхо.
Биографи
Лусион карьера йолаелла «Планалтинин» йукъахь, левзира тӀелатархочун позицехь. 1997 шарахь иза дехьавелира «Гуаре». Оццу шарахь Бразилин кедан «Гуарин» а, «Интернасьоналан» а йукъара матч (0:7) чекхйаьлчи, Лусиога кхайкхира «цӀечарна» йукъа. Турсло сехьавериг «Интернасьонала» делира 300 эз. крузейро (100 эз. Евро гергга). Керлачу шеран хьалхарчу шарахь керла командехь Лусиос йаьккхира Риу-Гранди-ду-Сул штатан чемпионат. Порту-Алегрин командехь иза левзира 3 шарахь.
2000 шарахь Лусио дехьавелира леверкузенан «Байер 04» йукъа, цунах 8,5 млн евро делира. Хьалхарчу шарахь командехь левзира 15 матчехь, чутуьйхира 5 гол. Хьалхейаккхарехь «Байер» йаьккхира 4 меттиг, цуо бакъо йелира клубан Чемпионийн лигехь ловза. ШолгӀачу шарахь чемпионатехь «Байера» йаьккхира 2 меттиг, Германин кедехь финале йелира, ийшира «Шальке-04» командин. Оццу шарахь кхечира Чемпионийн лигин финале, цигахь ийшира мадридан «Реалан» 1:2 чоьтаца; немцоша тоьхна цхьа буьрка Лусиос туьйхира 13-гӀа ловзаран минотехь. Дика левзинчул тӀаьхьа, Лусион тӀаьхьа терго йан йуьйлайелира коьрта европин клубаш. 2003 шеран июлехь цунна контракт кховдийра «Ромас», амма цунах гӀуллакх ца хилира[3].
2004 шарахь Лусио дехьаваьлла мюнхенан «Бавари» йукъахь, 3 шеран контракт йаздина. Трансферан мах хилира 12 млн евро. 2005 шарахь барт кхин дӀа а бахбира. «Баварин» йукъахь Лусио левзира 5 шарахь, 189 матчехь, чутуьйхира 11 гол. 2008 а, 2009 а шерашкахь Лусио вара командин вице-капитан. «Баварица» цуо йаьккхира Германин чемпионат, баьккхира кхоъ Германин кад а, шиъ Немцойн лигин кад а.
2009 шеран 16 июнехь «Баварица» болу барт бохийна, дехьавелира 3 шарна контракт дина, миланан «Интернационале», шеран алапа 4,5 млн евро дара[4]. Трансферан мах хилира 7 млн евро[5]. Мюнхенхошна йукъара бразилхо дӀавахаран бахьна хилира керла тренер, Луи ван Гал, цуо элира, бразилхо стартан хӀоттамехь ловзур вац аьлла[6]. Хьалхарчу шарахь керлачу командехь бразилхо левзира 48 матчехь, чутуьйхира ши буьрка. Цуо клубан гӀодира чемпионатехь, Италин кедехь, Италин Суперкедехь, ткъа иштта Чемпионийн лигехь.