Sant-Yust

• Erwan Vallerie ː Alarac, 860; Sainct Just en la frairie d'Allerac, 1459; S. Ius, 1630

Gerdarzh

N'ez eus ket evit ar poent

• Abaoe pell-tre ez eus tud o chom e kornad Sant-Yust evel ma tiskouez ar vein-veur a weler e Lanneier Cojoux. Taolioù-maen, peulvanioù ha krugelloù bet savet 4500 vloaz kt J.K. evit ar re goshañ anezho.

Alareg (Alarac) e oa anv kentañ ar barrez. Stag e oa ouzh Eskopti Gwened betek an Dispac’h Bras. Distaget e oa bet diouzh parrez kozh Ranneg (Renac) en XI^vet kantved (Istor Breizh A. De la Borderie II p 178).Kouezhañ a reas iliz Alareg en he foull ha kreizenn ar barrez a zeuas da vezañ chapel prioldi Abati Sant Salver Redon el lec’h a veze graet ar Vouc’h Kozh (Le Vieux Bourg) dioutañ. Eno e voe savet an iliz a zo bremañ etre 1848 ha 1851. D’ar poent-se e voe roet d’an iliz anv Sant-Yust dre ma oa enni relegoù Sant-Yust. Hervez ar vojenn e oa bet merzheriet Sant Justus Beauvais da vare an impalaer roman Diokletian pa oa ur bugel 9 bloaz anezhañ hag e benn en doa adlakaet war e gorf evit spontañ e vourevien.Lâret e vez e oa Kastell Henlez (La Vieille Cour), unan eus tier-annez Anna Vreizh.

• Mervel a reas 94 gwaz abalamour d'ar brezel hervez monumant ar re varv, eleze 5,45% ag ar boblañs hervez an niveradeg bet graet e 1911^[2]. Tri anezhe a varvas e Belgia e penn-kentañ ar brezel, daou e miz Eost 1914 , unan d’an 21 en Ham-sur-Sambre, soudard e oa er 41vet Rujumant Troadegiezh^[3] hag unan d’an 22 en Emgann Rossignol, soudard e oa er 1añ Rujumant Troadegiezh Drevadennel^[4] ; unan all a varvas en Opont d’ar 4 a viz Gwengolo, soudard e oa er 62vet Rujumant Troadegiezh^[5].

• Mervel a reas nav den ag ar gumun abalamour d'ar brezel^[6].

• Mervel a reas ur milour ag ar gumun e Souk Ahras (departamant Bône) d'an 29 a viz Meurzh 1959, soudard e oa en 3vet Rujumant Husarded^[7].

• 
  Peulvanoù Sant-Yust.

• Gwelout ar pennad Peulvanoù Sant-Yust

• 
  An iliz katolik.

• Iliz katolik Sant Yust.
• Monumant ar re varv er vered, luc’hskeudennoù^[8].

Niver a annezidi

Muioc'h a restroù diwar-benn

Sant-Yust

a vo kavet e Wikimedia Commons.

• (fr)Lec'hienn web ar gumun
• (fr)Glad Sant-Yust .
• (fr)Site mégalithique et naturel de Saint-Just .

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995