Nora Kershaw Chadwick

Nora Kershaw Chadwick (1891-1972) a oa ur gelennerez istor eus Bro-Saoz, hag un istorourez. Gant he fried, Hector Munro Chadwick, he deus embannet meur a levr diwar-benn al lennegezhioù kozh.

Lennegezh dre gomz

Embannet eo bet an oberenn-mañ gant Cambridge University Press etre 1932 ha 1940 :

The Growth of Literature:

I: The Ancient Literatures of Europe (1932)

II: Russian Oral Literature, Yugoslav Oral Poetry, Early Indian Literature, Early Hebrew Literature (1936)

III: The Oral Literature of the Tatars and Polynesia, etc. (1940)

Goude e labouras gant V. M. Zhirmunsky da adembann ha da greskiñ al levrenn III diwar-benn meurganoù e yezhoù Kreizazia, a voe embannet en 1969 hag anvet Oral Epics of Central Asia.

Istor Breizh

Skrivet he deus diwar-benn an div Vreizh (Britannia Major, Britannia Minor) a-gevret gant Myles Dillon ha Kenneth H. Jackson e-touez meur a hini.

Early Scotland, 1949.
The colonization of Brittany from Celtic Britain, 1965. (troidigezh c'hallek embannet gant Armeline e 1999, gant an titl La colonisation de la Bretagne armorique depuis la Bretagne celtique insulaire).
Les Royaumes Celtiques, 1967, gant Myles Dillon. Arthème Fayard en 1974, Marabout en 1979. Adembannet en 1999 gant Armeline e 2001, (ISBN 2-910878-13-9), kresket gant Christian-Joseph Guyonvarc'h ha Françoise Le Roux.