Matt Smith

Matt Smith, e wir anv Matthew Robert Smith, a zo un aktour tele ha c'hoariva, a zo ganet e Breizh-Veur d'an 28 a viz Gouhere 1982. E miz Genver 2009, e voe choazet Matt Smith da c'hoari e-barzh « Doctor Who », un heuliadenn mil anavezet e Bro-Saoz. C'hoari a ra en heuliadenn-mañ er pempvet, c'hwec'hvet, seizhvet hag eizhvet tennad.

Matt Smith a zeuas da vezañ aktour e 2003 goude ur gudenn kein a harzas outañ da zont da vezañ c'hoarier mell-droad. E gentañ perzh a oa hini Jim Taylor en ur film savet diwar levrioù Philip Pullman: « mallozh ar maen-rubis » hag Mister ar steredenn bolel e 2006.

E miz Genver 2009 e voe choazet da c'hoari an unnekvet mezeg en heuliadenn « Doctor Who ». E welidigezh kentañ a oa ar c'hentañ a viz Genver 2010 e-barzh eil lodenn an degouezh anvet The End of Time Dibenn an Amzer, (anvet e galleg « La Prophétie de Noël »). Matt Smith a zo an aktour yaouankañ en defe c'hoariet perzh ur mezeg.

E 2011, e voe choazet Matt Smith evit treuziñ Cardiff, e-lec'h ma vez c'hoariet un heuliadenn all anvet Torchwood, gant ar flammenn olimpek d'ar 26 a viz Mae 2012.

Ganet ha kresket eo Matt Smith e Northampton. C'hoant en doa da vezañ c'hoarier mell-droad met goude ur c'hloazadenn en e gein, e teuas a-benn e gelenner c'hoariva da gendrec'hiñ anezhañ en ur enskrivañ anezhañ e reizhadenn « Douze homme en colère ». Goude se e kendalc'has e gelenner da gendrec'hiñ anezhañ evit ma 'z afe d'ar skol National Youth Theatre e Londrez. Goude ar skol e studias Matt Smith an arz dramatek pe c'hoari-pezh hag ar skritur.

E-pad e vuhez en deus c'hoariet Matt Smith e-barzh peder heuliadenn disheñvel, daou bezh-c'hoari ha tri film.