Grand Teton
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
Ar Grand Teton a zo ur menez lec'hiet e Park Broadel Grand Teton e gwalarn ar Wyoming er Stadoù Unanet. Gant an uhelder a 4197 metrad, menez uhelañ ar park broadel eo, met ivez hini an Teton Range. Eil menez uhelañ ar Wyoming eo.
Orin an anv
Roet e vefe bet dezhañ an anv-se (a dalvez kement ha "bronnoù bras", anat) gant Kanadianed gall izili eus un dizoloadenn evit Kompagnuniezh ar Gwalarn[1]. A-hend-all, Teton a zo eil anv ar meuriad siou Lakota.
Istor
Un tabut a zo diwar-benn anvioù an europiz kentañ hag o deus krapet war ar menez. Nathaniel P. Langford ha James Stevenson o deus lavaret bezaañ bet pignet war ar menez d'an 29 a viz Gouere 1872. Padal klotaat a ra an deskrivadur o deus roet eus ar penn-uhelañ gant ar menez anvez The Enclosure, un is-penn eus ar menez. Anvet e vez e-mod-se en abeg d'ur voger koad bet savet gant an den (moarvat gant Amerindianed) en e uhelañ.
Pa bignas William O. Owen war ar menez reizh, e 1898 (gant sikour de Franklin Spalding, Frank Peterson ha John Shive), ne gavjont tamm roud ebet e vefe deuet tud betek enno araozo. Hiziv an deiz e vez lavaret ez eo bet pignet ar wech kentañ war The Enclosure gant amerindianed hag e vefe bet Owen an hini gentañ da vezañ pignet war ar Grand Teton[2].
