Emgann Naulila
![]() |
|
Emgann Naulila, a enebas Portugiz ouzh an Alamaned, a c'hoarvezas d'an 18 a viz Kerzu 1914, en Angola, un drevadenn da Bortugal, e-pad ar Brezel-bed kentañ (1914-1918).
![](http://upload.wikimedia.org/wikipedia/commons/thumb/5/54/2013_05_11_Afrika_11.jpg/220px-2013_05_11_Afrika_11.jpg)
![](http://upload.wikimedia.org/wikipedia/commons/thumb/8/8a/Colonial_Africa_1913_German_East_Africa_map.svg/220px-Colonial_Africa_1913_German_East_Africa_map.svg.png)
Krog e oa ar brezel en Europa e miz Eost 1914, met c'hoarvezout a reas ivez en Afrika. En trevadennoù saoz, Suafrika, Rodezia (Zimbabwe hiriv) ha Bechuanaland (Botswana hiriv), e voe savet armeoù a-enep trevadenn Mervent Afrika alaman (Namibia bremañ), ma ne oa nemet ur 5 000 soudard bennak dirak ouzhpenn 60 000 a enebourien armet. Daoust da se e konte an Alamaned war emsavadeg Boered Suafrika a-enep ar Saozon, ha neptuegezh Portugaliz Angola.
En norzh d'an drevadenn alaman-se edo Angola, unan eus trevadennoù Portugal. Eno e oa sioul an traoù da gentañ, rak neptu e oa Portugal e deroù ar brezel.
Ne oa ket c'hoant d'an Alamaned da glask tabut ouzh Portugal met buan e troas fall an traoù. Adalek ar 25 a viz Eost 1914 e voe kaset soudarded alaman eus Reter Afrika (Tanzania hiriv) da dagañ post-harzoù Maziua e Mozambik, trevadenn vras all Portugal, ma voe lazhet an ofiser e karg ha devet an tier-plouz tro-dro.
- Soudarded portugalat o vont da lestrañ da vrezeliñ da Angola.