Friz
Evit implijoù all, gwelet Friz (disheñvelout).
Diwallit, ne denn ar pennad-mañ nemet da broviñs Fryslân en Izelvroioù. Evit Bro-Friz en he fezh, gwelit Frizia.
Friz, pe Bro-Friz, (Fryslân e frizeg hag ent-ofisiel, Friesland e nederlandeg) a zo unan eus an 12 proviñs a zo en Izelvroioù. Frizeg eo yezh ar vro. 643 000 a dud a oa o vevañ enni e 2005. Leeuwarden (Ljouwert), 91,000 a dud enni, eo kêr-benn ar vro.
![](http://upload.wikimedia.org/wikipedia/commons/thumb/c/ca/Frisian_flag.svg/100px-Frisian_flag.svg.png)
![](http://upload.wikimedia.org/wikipedia/commons/thumb/f/f0/Friesland_in_the_Netherlands.svg/200px-Friesland_in_the_Netherlands.svg.png)
Harzoù he deus proviñs Friz gant proviñsoù Groningen, Drenthe, Overijssel ha Flevoland. Er c’hornôg dezhi emañ an IJsselmeer hag en hanternoz Mor Wadden, bevennet gant un heuliad inizi. Gallout a reer mont war-eeun eus Friz da broviñs Norzh Holland dre ur chaoser anvet an Afsluitdijk.
Anv
E 1994 en doa divizet Kuzul Proviñs Friz e teuje ar skrivadur frizek Fryslân da vezañ ar skrivadur nemetañ evit anv ar broviñs. Er bloaz 2004 e voe asantet gant Gouarnamant an Izelvroioù, ha lakaet war-sav gantañ ur steuñvenn tri bloaz evit lakaat ar c'hemm-se da dalvezout. Bremañ e vez graet gant ar stumm Frizia (Bro-Friz) evit ober anv eus Friz Vras, gant lodennoù en Alamagn betek Danmark, e-lec'h ma vez pe ma veze komzet frizeg.
Yezh
Frizeg (pe Frizeg ar c’hornôg) a gaozeer e proviñs Friz, unan eus ar yezhoù frizek, zo kar da frizeg ar reter ha da frizeg an hanternoz, komzet en Alamagn.
Diwar ar 660 000 a annezidi zo e proviñs Friz, ez eus 450 000 anezho a gomz frizeg, ha war-dro 360 000 anezho o deus ar frizeg evel yezh-vamm. En inizi eo gwanoc’h stad ar yezh. Er c’hêrioù e klever alies ur rannyezh anvet Stadtfriesisch (frizeg ar c’hêrioù), zo kalz a c'herioù nederlandek enni. En ul lodenn eus Friz, e korn-bro Stellingwerven, n’eo ket frizeg a vez kaozeet, met rannyezhoù izelsaksek. En ul lodennig eus kornôg proviñs Groningen e vez komzet frizeg ivez.
Kêrioù bras
- Leeuwarden (Ljouwert)
- Sneek (Snits)
- IJlst (Drylts)
- Sloten (Sleat)
- Stavoren (Starum)
- Hindeloopen (Hylpen)
- Workum (Warkum)
- Bolsward (Boalsert)
- Harlingen (Harns)
- Franeker (Frjentsjer)
- Dokkum (Dokkum)
Kêrioù
- Heerenveen (It Hearrenfean)
- Drachten (mun. Smallingerland)
Gwelout ivez
- De âlde Friezen kan broadel Friz.
- Inizi Friz
Levrlennadur
- Niverenn 27 eus ar gelaouenn Al Liamm a oa diwar-benn Friz hag ar frizeg.
Liammoù diavaez
![]() | Porched an Izelvroioù – Adkavit pennadoù ha rummadoù Wikipedia a denn d'an Izelvroioù. |