Avoultriezh
An avoultriezh eo an torr-lezenn a vez graet gant unan eus ar priedoù pa ya da gousket gant unan all ha n'eo ket e bried.
![](http://upload.wikimedia.org/wikipedia/commons/thumb/1/1d/Titian.Christ_and_Adulteress01.jpg/300px-Titian.Christ_and_Adulteress01.jpg)
![](http://upload.wikimedia.org/wikipedia/commons/thumb/3/36/Jules_Ars%C3%A8ne_Garnier_-_Le_supplice_des_adult%C3%A8res.jpg/300px-Jules_Ars%C3%A8ne_Garnier_-_Le_supplice_des_adult%C3%A8res.jpg)
Ar gwaz a ra kemend-all gant ur vaouez all a ra gant e serc'h, ar wreg a ra gant he serc'heg.
Diwar an torr-lezenn e c'hall ar pried all goulenn ma vo torret an dimeziñ.Kement-se a c'hoarvezas gant an impalaer Karl III a c'houlennas terriñ he dimeziñ gant Richardis.
E-keñver relijion eo ur pec'hed, deuet diwar ar c'hadaliezh. Dre an abeg-se e veze kondaonet d'ar marv an avoultrerien met kentoc'h an avoultrerezed, evel Anne Boleyn, gwreg Herri VIII, roue Bro-Saoz.
XXIañ kantved
Er gevredigezh kornok ma n'eo ket ken ponner gwask ar relijion ken ne vez ket kastizet ken an avoultriezh dre ma n'eo ket ken pouezus ar briedelezh.
E-keit-se e vez meinataet an avoultrerien e broioù muzulmat zo (Iran, al lodenn vuzulmanat eus Nigeria, Emirelezhioù Arab Unanet, Irak, Katar, Maoritania, Arabia Saoudat, Somalia, Soudan, Yemen, Afghanistan, Brunei ha takadoù zo e Pakistan).
Ger tost dre e ster
Skeudennoù
- David ha Betseba, livet gant Jan Massys
- Krist gant an avoultrerez, gant Nicolas Poussin, 1653. Mirdi al Louvre, Pariz.
- Avoultrerien kondaonet e Japan da vout diskouezet dirak an holl, hervez ul levr embannet e 1867.