Янкавіцкі сельсавет

Я́нкавіцкі сельсавет — адміністрацыйна-тэрытарыяльная адзінка ў складзе Расонскага раёна Віцебскай вобласці Беларусі. Адміністрацыйны цэнтр — вёска Янкавічы.

Янкавіцкі сельсавет
Краіна	Беларусь
Уваходзіць у	Расонскі раён
Уключае	18 населеных пунктаў
Адміністрацыйны цэнтр	Янкавічы
Дата ўтварэння	20 жніўня 1924
Насельніцтва (2019)	664
Часавы пояс	UTC+03:00
Код аўтам. нумароў	2

Утвораны 20 жніўня 1924 года як Сяляўшчынскі сельсавет у складзе Расонскага раёна Полацкай акругі БССР. Цэнтр — вёска Сяляўшчына. Пасля скасавання акруговай сістэмы 26 ліпеня 1930 года ў Расонскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 16 ліпеня 1954 года да сельсавета далучана тэрыторыя скасаванага Руднянскага сельсавета^[1]. 23 лістапада 1959 года ў адміністрацыйнае падпарадкаванне Расонскага пассавета перададзена вёска Залюбежжа, у склад Клясціцкага сельсавета — вёскі Замошша і Канцавыя^[2]. З 25 снежня 1962 года сельсавет у складзе Полацкага раёна. 27 снежня 1962 года ў склад сельсавета ўключана вёска Замошша Клясціцкага сельсавета, якая была перададзена ў склад Полацкага раёна падчас скасавання Расонскага раёна^[3]. З 6 студзеня 1965 года ў складзе адноўленага Расонскага раёна. 14 ліпеня 1967 года цэнтр сельсавета перанесены ў вёску Янкавічы, сельсавет перайменаваны ў Янкавіцкі^[4]. На 1 студзеня 1974 года ў складзе Янкавіцкага сельсавета 18 населеных пунктаў^[5]. 7 сакавіка 1978 года ў склад сельсавета з адміністрацыйнага падпарадкавання Расонскага пассавета перададзена вёска Залюбежжа^[6]. 27 снежня 2011 года скасавана вёска Замошша^[7].

Насельніцтва сельсавета паводле перапісу 2009 года — 946 чалавек^[8], з іх 91,5 % — беларусы, 7,5 % — рускія, 0,5 % — украінцы^[9]; паводле перапісу 2019 года — 664 чалавекі^[10].