Хойнаўскі сельсавет
Хо́йнаўскі сельсавет — адміністрацыйна-тэрытарыяльная адзінка ў складзе Пінскага раёна Брэсцкай вобласці Беларусі. Адміністрацыйны цэнтр — вёска Хойна.
| Хойнаўскі сельсавет | |
|---|---|
| Краіна |  Беларусь |
| Уваходзіць у | Пінскі раён |
| Уключае | 7 населеных пунктаў |
| Адміністрацыйны цэнтр | Хойна |
| Дата ўтварэння | 12 кастрычніка 1940, 17 красавіка 1959 |
| Дата скасавання | 16 ліпеня 1954 |
| Насельніцтва (2019) | 953 |
| Код аўтам. нумароў | 1 |
Утвораны 12 кастрычніка 1940 года ў складзе Жабчыцкага раёна Пінскай вобласці. З 8 студзеня 1954 года ў складзе Брэсцкай вобласці. 16 ліпеня 1954 года сельсавет скасаваны, тэрыторыя ўвайшла ў склад новаўтворанага Вулькаўскага сельсавета[1].
17 красавіка 1959 года ў склад Невельскага сельсавета Пінскага раёна пералічаны вёскі Вялікія Дзіковічы, Жыдча, Малая Вулька, Стайкі, Хойна Вулькаўскага сельсавета, цэнтр Невельскага сельсавета перанесены ў вёску Хойна, а сельсавет перайменаваны ў Хойнаўскі, тады ж са складу сельсавета ў склад Дубайскага сельсавета пералічана вёска Перахрэсце[2]. На 1 студзеня 1974 года ў складзе сельсавета 7 населеных пунктаў[3].
Насельніцтва сельсавета паводле перапісу 2009 года — 1336 чалавек[4], з іх 83,2 % — беларусы, 14,2 % — украінцы, 2,0 % — рускія[5]; паводле перапісу 2019 года — 953 чалавекі[6].
Крыніцы
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.