Філіп II (граф Невера)
Філіп II Бургундскі (фр.: Philippe de Bourgogne; кастрычнік 1389 — 25 кастрычніка 1415, Азенкур) — граф Неверскі (1404—1415) і Рэтэльскі (1406—1415), трэці сын Філіпа II Смелага (1342—1404), герцага Бургундыі (1363—1404), і Маргарыты III Дамп’ер (1350—1405), графіні Фландрыі (1384—1405), Невера (1384—1385) і Рэтэля (1384—1402), пфальцграфіні Бургундскай і Артуа (1384—1405). Малодшы брат Жана Бясстрашнага (1371—1419), герцага Бургундыі (1404—1419).
| Філіп Бургундскі | |||||||
|---|---|---|---|---|---|---|---|
| фр.: Philippe de Bourgogne | |||||||
.png) | |||||||
 | |||||||
| |||||||
| Папярэднік | Жан Бясстрашны | ||||||
| Пераемнік | Шарль Неверскі | ||||||
| |||||||
| Папярэднік | Антуан Бургундскі | ||||||
| Пераемнік | Шарль Неверскі | ||||||
| Нараджэнне | кастрычнік 1389 | ||||||
| Смерць | 25 кастрычніка 1415 Бітва пры Азенкуры | ||||||
| Месца пахавання | Эстэланскае абацтва (Графства Рэтэль) | ||||||
| Род | Малодшы Бургундскі дом | ||||||
| Бацька | Філіп II Смелы | ||||||
| Маці | Маргарыта III Фландрская | ||||||
| Жонка | Ізабела дэ Кусі Бона д'Артуа | ||||||
| Дзеці | |||||||
| Бітвы | |||||||
 Медыяфайлы на Вікісховішчы | |||||||
Біяграфія
Нарадзіўся ў горадзе Вілен-ан-Дюэмуа (Бургундыя). У 1404 годзе пасля смерці бургундскага герцага Філіпа II Смелага граф Неверскі Жан Бясстрашны стаў новым герцагам Бургундыі, графам Фландрыі, пфальцграфам Бургундыі і Артуа. Жан Бясстрашны перадаў графства Невер у валоданне свайму малодшаму брату Філіпу.
У 1406 годзе Філіп атрымаў у валоданне графства Рэтэль ад свайго іншага старэйшага брата, ранейшага графа Рэтэльскага Антуана Бургундскага, які атрымаў у спадчыну герцагства Брабант, герцагства Лімбург і маркграфства Антверпен.
Філіп дэ Невер, у адрозненне ад свайго старэйшага брата, герцага Бургундскага Жана Бясстрашнага, ваяваў на баку французаў у Стагадовай вайне супраць англічан. У 1415 годзе быў пасвечаны ў рыцары маршалам Францыі Жанам II дэ Бусіко. 25 кастрычніка 1415 года Філіп Неверскі быў адным з камандуючых асноўнымі сіламі французскай арміі ў бітве з англічанамі пры Азенкуры. Загінуў у бітве і быў пахаваны ў Эстэланскім абацтве (Рэтэль).
Сям’я і дзеці
Філіп Бургундскі, граф Неверскі і Рэтэльскі, быў двойчы жанаты. 23 красавіка 1409 года ў Суасоне ён ажаніўся з Ізабелай дэ Кусі (1386—1411), дачкой Ангерана VII дэ Кусі (1339/1342-1397), сеньёра дэ Кусі (1346—1397) і графа дэ Суасон (1367—1397), і Ізабелы Латарынгскай (пам. 1409). Дзеці:
- Філіп (1410—1411/пасля 1415)
- Маргарыта (1411—1411/1412)
20 чэрвеня 1413 года ў Бамон-ан-Артуа другі раз ажаніўся з Бонай Артуа (1396—1425), дачкой Філіпа Артуа (1358—1397), графа д’Э (1387—1397), і Марыі Авернскай (1375—1434). Дзеці:
- Шарль I Бургундскі (1414 — 25 мая 1464), граф Неверскі і Рэтэльскі (1415—1464)
- Жан II Бургундскі (1415 — 25 верасня 1491), граф д’Этамп (1442—1465), граф Неверскі і Рэтэльскі (1464—1491), граф д’Э (1472—1477).
Таксама меў чатырох пазашлюбных дзяцей.
Зноскі
Літаратура
- Устинов В. Г. «Столетняя война и войны роз», Москва, «Астрель», 2007 г. ISBN 978-5-271-16567-2, ст. 332—333