Усходні калідор

Фантазія аб беларускім падполлі ў гады вайны. Кінуўшы цень здрады на аднаго з падпольшчыкаў, фашысты спрабуюць раскалоць адзінства арыштаваных. Перш чым падпольшчыкі канчаткова пераканаюцца ў тым, што здраднікаў сярод іх усё ж такі няма і будуць гатовыя да ўцёкаў, яны перажывуць неймаверна цяжкія дні сумеснага быцця.

• аўтары сцэнарыя — Алесь Кучар, Валянцін Вінаградаў
• рэжысёр-пастаноўшчык — Валянцін Вінаградаў
• галоўны аператар — Юрый Марухін
• мастак-пастаноўшчык — Яўген Ігнацьеў
• кампазітары — Мікаэл Тарыверыеў, Эдуард Хагагарцян
• рэжысёр — В. Рыбараў
• аператар — Д. Зайцаў
• гукааператар — С. Шухман
• мастак па касцюмах — А. Грыбава
• мастак-грымёр — Л. Емельянаў
• мантажор — П. Засухіна
• рэдактар — В. Гузанаў
• Дзяржаўны сімфанічны аркестр кінематаграфіі — дырыжор Э. Хачатуран
• дырэктар карціны — І. Філаненка

На IV кінафестывалі рэспублік Прыбалтыкі, Беларусі і Малдовы ў горадзе Кішынёве карціна была аднадушна прызнана антымастацкай з’явай і выведзена журы з твораў, падлеглых абмеркаванню. Фільм быў абвінавачаны ў манернасці, вычварнасці, халодным эстэцтве, дасведчанасці ў прылівах і адлівах сучаснага кінематографу, эстэтычным і этычным цынізме. У масавы пракат стужка не выйшла.

Меркаванне на конт кінастужкі, якое выказана ў дакументальным фільме Андрэя Кудзіненкі «Валянцін Вінаградаў, альбо беларускае кіно, якога няма» (2018):

Падзея незвычайная для беларускага кіно. Фільм дзіўны, нечаканы, эклектычны, фільм-кентаўр, фільм на ўзбочыне традыцый. Ні да гэтае карціны, ні пасля яе ў беларускім кіно не з’яўлялася твораў, у якіх гэтак аголена, з такой шчырасцю праводзіліся канцэпцыі, настолькі чужыя нашаму разуменню гісторыі. Гэта яскравы прыклад таго, куды здольны завесці сляпая, несвядомая пагоня за модаю, не толькі ў фармальным дачыненні, але і ў трактоўцы падзей.

• «Усходні калідор» на YouTube
• «Усходні калідор» на сайце kino-teatr.ru  (руск.) (бел.