Урсула фон дэр Ляен
Урсула Гертруда фон дэр Ляен (ням.: Ursula Gertrud von der Leyen), народж. Альбрэхт (ням.: Albrecht; нар. 8 кастрычніка 1958, Іксель) — нямецкі палітык, міністр па справах сям’і (2005—2009), міністр працы і сацыяльных пытанняў (2009—2013), міністр абароны (з 2013). Першая жанчына на пасадзе міністра абароны Германіі.
Выбрана 16 ліпеня 2019 года на пасаду Старшыні Еўрапейкай камісіі. Заступіла на пасаду 1 снежня 2019 года.
Крытыка
«Пфайзергейт»
У красавіку 2021 года газета The New York Times расказала пра канфідэнцыйныя перамовы прэзідэнта Еўрапейскай камісіі Урсулы фон дэр Ляен з прадстаўнікамі менеджменту Pfizer. Па выніках перагавораў было заказана больш доз і па больш (на 25%) высокай цане[6]. У студзені 2023 года газета The New York Times падала ў суд на Еўрапейскую камісію з-за таго, што выканаўчы орган Еўрапейскага саюза адмовіўся публікаваць перапіску паміж старшынёй Еўракамісіі У. фон дэр Ляен і генеральным дырэктарам фармацэўтычнай кампаніі Pfizer Альбертам Бурлай. Раней нямецкая газета Bild раней падала шэраг іскаў супраць камісіі з патрабаваннем раскрыцця дакументаў, звязаных з перамовамі аб куплі вакцын супраць COVID-19, якія вырабляюцца Pfizer/BioNTech і AstraZeneca[7].