Тросніцкі сельсавет
Тро́сніцкі сельсавет — былая адміністрацыйна-тэрытарыяльная адзінка ў складзе Полацкага раёна Віцебскай вобласці. Цэнтр — вёска Тросніца.
Тросніцкі сельсавет | |
---|---|
Краіна | Беларуская ССР |
Уваходзіў у | Полацкі раён |
Адміністрацыйны цэнтр | Тросніца |
Дата ўтварэння | 16 ліпеня 1954 |
Дата скасавання | 20 мая 1960 |
16 ліпеня 1954 года цэнтр Салоніцкага сельсавета перанесены ў вёску Тросніца, сельсавет перайменаваны ў Тросніцкі[1]. У 1957 годзе ў склад сельсавета з Палатоўскага сельсавета перададзены вёскі Арлова і Спаскае[2]. 20 мая 1960 года ў склад сельсавета перададзены 14 населеных пунктаў (Баранава, Баяноўшчына, Баравуха-2, Баравуха-3, Дразды, Дом інвалідаў, Захарнічы, Пагіршчына, Пазнякова, пасёлак Полацкага лясгаса, Скавародзіна, Спас-Слабада, Чарняшчына і Янкава) скасаванага Захарніцкага сельсавета і 6 населеных пунктаў (Гірсіна, Глушонкі, Жыхары, Замхі, Шумацёнкі і Юравічы) Палатоўскага сельсавета, у склад Палатоўскага сельсавета пералічаны 2 населеныя пункты (Арлова і Спаскае), цэнтр сельсавета перанесены ў вёску Сякераўшчына, а сельсавет перайменаваны ў Грамоўскі[3].
Крыніцы
Літаратура
- Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с.