Сілы аператыўнай падтрымкі
Сілы аператыўнай падтрымкі, САП[2] (таксама Сілы хуткай падтрымкі, СХП[3] або Сілы хуткага рэагавання, СХР[4]; араб. قوات الدعم السريع) — суданская ваенізаваная арганізацыя. Некаторыя крыніцы памылкова называюць САП спецназам, але на самой справе яны з’яўляюцца лёгкай мабільнай пяхотай[5].
| Сілы аператыўнай падтрымкі | |
|---|---|
| араб. قوات الدعم السريع | |
 | |
| Гады існавання | з 2013 |
| Краіна |  Судан |
| Падпарадкаванне | Служба агульнай разведкі (Судан) |
| Тып | ваенізаваная арганізацыя |
| Колькасць | 100 000 байцоў на 2023 год[1] |
| Удзел у | Дарфурскі канфлікт, Суданская рэвалюцыя, Грамадзянская вайна ў Емене, Грамадзянская вайна ў Лівіі (2014—2020), Канфлікт у Судане (з 2023) |
| Камандзіры | |
| Вядомыя камандзіры | Махамед Хамдан Дагала |
| Сайт | rsf.gov.sd |
Гісторыя
САП узніклі на базе апалчэння Джанджавід, якое ўдзельнічала ў вайне ў Дарфуры[6][7]. Сама арганізацыя ўтворана падчас рэарганізацыі міліцыі, працягнуўшы ўдзел у канфлікце замест яе[8].
Фарміраванне знаходзілася ў падпарадкаванні Нацыянальнай службы разведкі і бяспекі, хоць у ваенных аперацыях у Дарфуры САП кіравалі вайскоўцы[9]. Падчас палітычнага крызісу 2019 года іх атрады прыцягваліся для падаўлення пратэстаў. Разам з іншымі сілавымі структурамі САП 3 чэрвеня зладзілі масавае забойства апазіцыянераў у Хартуме.
Акрамя ўнутранасуданскіх канфліктаў, САП удзельнічалі ў баявых дзеяннях у Лівіі[10] і Емене[11].
У красавіку 2023 года арганізацыя ўступіла ва ўзброены канфлікт з дзеючым урадам[12][13].