Стывен Вайнберг
Стывен Вайнберг (англ.: Steven Weinberg; 3 мая 1933, Нью-Ёрк — 23 ліпеня 2021) — амерыканскі фізік, лаўрэат Нобелеўскай прэміі па фізіцы (1979) (сумесна з Шэлданам Лі Глэшау і Абдус Саламам) «за ўклад у аб’яднаную тэорыю слабых і электрамагнітных узаемадзеянняў паміж элементарнымі часціцамі, у тым ліку прадказанне слабых нейтральных токаў».
| Стывен Вайнберг | |
|---|---|
| англ.: Steven Weinberg | |
 | |
| Дата нараджэння | 3 мая 1933[1][2][…] |
| Месца нараджэння | |
| Дата смерці | 23 ліпеня 2021[3] (88 гадоў) |
| Месца смерці | |
| Месца пахавання | |
| Грамадзянства | |
| Жонка | Louise Weinberg[d] |
| Род дзейнасці | фізік, пісьменнік, выкладчык універсітэта, фізік-тэарэтык, касмолаг |
| Навуковая сфера | фізіка |
| Месца працы | |
| Навуковая ступень | Doctor of Philosophy in Physics[d] |
| Альма-матар | |
| Навуковы кіраўнік | Сэм Трэйман[d] |
| Член у | |
| Прэміі | |
| Узнагароды |  Нобелеўская прэмія па фізіцы (1979)Нацыянальны навуковы медаль ЗША (1991) |
 Медыяфайлы на Вікісховішчы | |
Біяграфія
Стывен Вайнберг нарадзіўся 3 мая 1933 года ў Нью-Ёрку ў яўрэйскай сям’і. Скончыў у 1950 годзе школу ў Бронксе. У 1954 годзе атрымаў ступень бакалаўра ў Карнельскім універсітэце. У 1957 годзе атрымаў ступень доктара філасофіі ў Прынстанскім універсітэце пад кіраўніцтвам Сэма Трэймана. У 2006 годзе Вайнберг — прафесар фізікі і астраноміі ў Тэхаскім універсітэце ў Осціне.
Вайнберг не толькі выдатны навуковец, але таксама выдатны папулярызатар навукі. Ён выступаў перад кангрэсам ЗША ў падтрымку будаўніцтва звышправоднага суперкалайдара, пісаў артыкулы для Нью-Ёркскага кніжнага агляду і выступаў з рознымі лекцыямі аб вялікім значэнні навукі. Яго кнігі пра навуцы спалучаюць папулярызацыю навукі з яе гісторыяй і філасофіяй.
Вайнберг — атэіст. У кнізе «Мары аб канчатковай тэорыі» ён піша: «Успаміны пра Халакост адштурхваюць мяне ад спроб апраўдаць стаўленне Бога да Чалавека. Калі існуе Бог, які мае ў адносінах да чалавека асаблівыя планы, дык Ён вельмі моцна пастараўся схаваць свой клопат пра нас як мага далей. Мне здаецца няветлівым, калі не сказаць непачцівым, узносіць такому Богу свае малітвы». У красавіку 1999 года на канферэнцыі па касмалогіі ў Вашынгтоне Вайнберг заявіў: «Рэлігія абражае годнасць чалавека. З рэлігіяй ці без яе, добрыя людзі будуць рабіць дабро і дрэнныя людзі будуць рабіць зло. Але каб прымусіць добрага чалавека рабіць зло — для гэтага неабходна рэлігія». Вайнберг таксама вядомы сваёй ліберальнай падтрымкай Ізраіля. Ён напісаў эсэ «Сіянізм і яго культурная разнастайнасць», якое тлумачыць яго пазіцыю.
Бібліяграфія
- Gravitation and Cosmology: Principles and Applications of the General Theory of Relativity (1972)
- The First Three Minutes: A Modern View of the Origin of the Universe (1977, updated with new afterword in 1993, ISBN 0-465-02437-8)
- The Discovery of Subatomic Particles (1983)
- Elementary Particles and the Laws of Physics: The 1986 Dirac Memorial Lectures (1987; совместно с Рычардам Фейнманам)
- Dreams of a Final Theory: The Scientist’s Search for the Ultimate Laws of Nature (1993)
- Quantum Theory of Fields (three volumes: 1995, 1996, 2003)
- Facing Up: Science and Its Cultural Adversaries (2001, 2003, Harvard University Press)
- Glory and Terror: The Coming Nuclear Danger (2004, NYRB)
- Cosmology (2008, Oxford University Press)
Зноскі
Спасылкі
- Публікацыі на сайце ArXiv (англ.)
- Інфармацыя з сайта Нобелеўскага камітэта (англ.)
- Яго артыкулы ў Нью-Ёркскім кніжным аглядзе (англ.)