Спіс узнагарод і намінацый фільма «Прывід пяра»

«Прывід пяра» (англ.: The Ghost Writer) — палітычны трылер 2010 года рэжысёра і сцэнарыста Рамана Паланскага. Карціна з’яўляецца экранізацыяй рамана «Прывід^[en]» англійскага пісьменніка Роберта Харыса, які выступіў у ролі суаўтара сцэнарыя. Галоўныя ролі ў фільме выканалі Юэн Мак-Грэгар, Пірс Броснан, Кім Кэтрал і Алівія Уільямс.

Спіс узнагарод і намінацый фільма «Прывід пяра»

Найбольш высока ў карціне «Прывід пяра» крытыкі ацанілі рэжысёрскае майстэрства Рамана Паланскага.
Кінапрэмія / Кінафестываль	Вынік
Еўрапейская кінапрэмія	6	8
Сезар	4	8
Залатая зорка французскага кіно	2	3
Люм’ер	2	3
Італьянскі залаты глобус	2	2
Міжнародная анлайн-кінапрэмія	1	4
Міжнароднае таварыства аматараў кіно	1	4
Міжнародная асацыяцыя крытыкаў кінамузыкі	1	3
Нацыянальнае таварыства кінакрытыкаў ЗША	1	3
Асацыяцыя кінакрытыкаў Лос-Анджэлеса	1	2
Берлінскі кінафестываль	1	2
Лонданскае кола кінакрытыкаў	1	2
CinEuphoria	1	1
Анлайн-кінакрытыкі Нью-Ёрка	1	1
Інтэрнэт-таварыства кінакрытыкаў	1	1
Ірландская прэмія кіно і тэлебачання	1	1
Кінэма Дзюмпо	1	1
Міжнародная федэрацыя кінапрэсы	1	1
Нацыянальны савет кінакрытыкаў ЗША	1	1
Польская кінапрэмія «Арлы»	1	1
Супольнасць ланцуга прэмій	1	1
Сусветная прэмія саўндтрэкаў	1	1
Кінаапытанне «Village Voice»	0	6
Анлайн-асацыяцыя кіно і тэлебачання	0	4
Залаты Дэрбі	0	4
Спадарожнік	0	4
Апытанне крытыкаў «IndieWire»	0	3
Брытанская кінапрэмія «Evening Standard»	0	3
Італьянская анлайн-кінапрэмія	0	3
Гаўдзі	0	1
Гоя	0	1
Дублінскае кола кінакрытыкаў	0	1
Імперыя	0	1
Сярэбраная стужка	0	1
Сярэбраны кондар	0	1
Таварыства кінакрытыкаў Фенікса	0	1
Універсітэт Паўднёвай Каліфорніі	0	1
Хлатрудзіс	0	1
Усяго	33	90

Прэм’ера фільма адбылася 12 лютага 2010 года ў межах конкурснай праграмы 60-га Берлінскага кінафестывалю. Фільм быў высока ацэнены кінакрытыкамі і ўзнагароджаны мноствам прэстыжных кінапрэмій, у тым ліку «Сярэбраным мядзведзем» за найлепшую рэжысуру на Берлінскім кінафестывалі, 6 «Еўрапейскімі кінапрэміямі», а таксама 4 прэміямі «Сезар».

Карціна атрымала больш за дваццаць намінацый як найлепшы фільм года. Сярод перамог у гэтай катэгорыі: гран-пры Міжнароднай федэрацыі кінапрэсы — за найлепшы фільм года; «Еўрапейская кінапрэмія», «Італьянскі залаты глобус^[en]» і Польская кінапрэмія «Арлы» — за найлепшы еўрапейскі фільм; прэмія «Кінэма Дзюмпо^[en]» — за найлепшы замежны фільм; у свае топы найлепшых фільмаў карціну ўключылі Нацыянальны савет кінакрытыкаў ЗША і Анлайн-кінакрытыкі Нью-Ёрка^[en]. Сярод розных складаючых фільма найбольшай увагі ўдастоіліся рэжысёрская праца Рамана Паланскага, сцэнарная праца Рамана Паланскага і Роберта Харыса, музыка Аляксандра Дэспла, а таксама акцёрскія працы Алівіі Уільямс, Пірса Броснана і Юэна Мак-Грэгара.

Паводле інфармацыі сайта «Internet Movie Database» агульная колькасць узнагарод фільма дасягнула 33, акрамя таго карціна была адзначана яшчэ 56 намінацыямі^[1]. Найбольшай колькасцю ўзнагарод і намінацый адзначыліся:

• Рэжысёр, сцэнарыст і прадзюсар Раман Паланскі: 12 узнагарод, 28 намінацый.
• Кампазітар Аляксандр Дэспла: 7 узнагарод, 6 намінацыі.
• Актрыса Алівія Уільямс: 3 узнагароды, 8 намінацый.
• Сцэнарыст Роберт Харыс: 2 узнагароды, 12 намінацый.