Сара Стрыдсберг
Сара Стрыдсберг (шведск.: Sara Brita Stridsberg, 29 жніўня 1972, Сольна, Швецыя) — шведская пісьменніца, публіцыст і перакладчыца.
| Сара Стрыдсберг | |
|---|---|
| шведск.: Sara Brita Stridsberg | |
 | |
| Асабістыя звесткі | |
| Дата нараджэння | 29 жніўня 1976 (47 гадоў) |
| Месца нараджэння | Сольна, Швецыя |
| Грамадзянства |  Швецыя |
| Прафесійная дзейнасць | |
| Род дзейнасці | пісьменніца, перакладчыца |
| Мова твораў | шведская мова |
| Грамадская дзейнасць | |
| Член у |
|
| Прэміі | прэмія Доблаўга (2013) Aniara Award[d] (2015) Галоўная прэмія Дзевяці[d] (2015) Bernspriset[d] (2015) Selma Lagerlöf Prize[d] (2016) Sveriges Essäfonds pris[d] (2004) |
 Медыяфайлы на Вікісховішчы | |
Біяграфія
Нарадзілася ў Сольне, Швецыя. Актыўна друкавалася ў феміністычным часопісе Bang. Перакладала творы Валеры Саланас, Сары Кейн, Сэма Шэпарда. У 2010 была запрошаным прафесарам у Інстытуце Петэра Сондзі Берлінскага Свабоднага ўніверсітэта[2].
У 2016 была абраная ў склад Шведскай акадэміі; 27 красавіка 2018 абвясціла, што пакідае яе ў знак салідарнасці з Сарай Даніус[3], калі яе папрасілі пакінуць пасаду на фоне крытыкі ў сувязі са скандалам у акадэміі вакол Жана-Клода Арно, звязаным з «Me Too». Скандал ператварыўся ў супярэчнасці 2018 года, якія прывялі да адмены Нобелеўскай прэміі па літаратуры ў гэтым годзе і наступнай рэструктурызацыі акадэміі.
Творы
Раманы[4]
- Шчаслівая Салі / Happy Sally (2004, аб Салі Бауэр, першай скандынаўскай жанчыне, якая пераплыла Ла-Манш)
- Факультэт сноў / Drömfakulteten (2006, па матывах біяграфіі Валеры Соланас)
- Darling River (2010)
- Dissekering av ett snöfall (2012)
Драмы[2]
- Зямля Мідэі / Medealand (2009, пастаўлена ў драматычным тэатры ў 2009, у загалоўнай ролі Нумі Рапас).
Прызнанне
Прэмія найбуйнейшай шведскай газеты Aftonbladet (2006). За раман Факультэт сноў пісьменніцы прысуджана Літаратурная прэмія Паўночнага Савета (2007). Прэмія «Доблаўг» (Шведская акадэмія, 2013). Лаўрэат некалькіх іншых буйных прэмій[4].
Творы Стрыдсберг перакладзены на англійскую, французскую, нямецкую, іспанскую, польскую і іншыя мовы.