Ракшынскі сельсавет

Утвораны 20 жніўня 1924 года як Пячонкаўскі сельсавет у складзе Расненскага раёна Калінінскай акругі БССР. Цэнтр — вёска Пячонкі. З 9 чэрвеня 1927 года ў складзе Аршанскай акругі. Пасля скасавання акруговай сістэмы 26 ліпеня 1930 года ў Расненскім раёне БССР, з 8 ліпеня 1931 года ў Мсціслаўскім раёне БССР, з 20 лютага 1938 года — Магілёўскай вобласці. 6 красавіка 1973 года цэнтр сельсавета перанесены ў вёску Ракшыно, сельсавет перайменаваны ў Ракшынскі^[1]. 18 верасня 1979 года ў склад Капачоўскага сельсавета перададзены 4 населеныя пункты (вёскі Кош, Мішні, Рудодзіма і Цярэні)^[2], якія 20 красавіка 1993 года вернуты назад у склад Ракшынскага сельсавета. У 2002 годзе скасавана вёска Краснаручча. 28 лістапада 2017 года да сельсавета далучана тэрыторыя скасаванага Доўгавіцкага сельсавета (4 населеныя пункты: аграгарадок Андраны, вёскі Доўгавічы, Малькаўка і Тышча)^[3]. Да 2020 года цэнтр сельсавета перанесены ў аграгарадок Мішні.

Насельніцтва сельсавета паводле перапісу 2009 года (13 населеных пунктаў) — 705 чалавек^[4], з іх 91,1 % — беларусы, 5,0 % — рускія, 2,8 % — украінцы^[5]; паводле перапісу 2019 года (17 населеных пунктаў) — 1067 чалавек^[6].

• Андраны — аграгарадок
• Башары — вёска
• Будзёнаўка — вёска
• Віскліна — вёска
• Доўгавічы — вёска
• Заполле — вёска
• Картыжы — вёска
• Кош — вёска
• Малькаўка — вёска
• Мішні — аграгарадок
• Пячонкі — вёска
• Ракшыно — вёска
• Рудодзіма — вёска
• Рэместава — вёска
• Тышча — вёска
• Цярэні — вёска
• Чарнавусы — вёска

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

• Інфармацыя пра Ракшынскі сельсавет на сайце Мсціслаўскага райвыканкама Архівавана 19 лістапада 2023.