Прысяга
Прысяга — афіцыйнае ўрачыстае абяцанне прытрымлівацца пэўных абавязкаў, патрабаванняў закону, захоўваць вернасць справе, быць праўдзівым. Была пашырана ў палітычнай і юрыдычнай практыцы Беларусі ў мінулым. У часы Вялікага Княства Літоўскага прысягалі вялікія князі, канцлеры, ваяводы, суддзі і іншыя службовыя асобы дзяржаўнага апарату; у судаводстве прысяга была дадатковым сродкам забеспячэння доказаў па справах праз абавязковае прысяганне сведкаў.
![](http://upload.wikimedia.org/wikipedia/commons/thumb/8/87/%D0%9F%D1%80%D0%B8%D1%81%D1%8F%D0%B3%D0%B0_%D0%AE%D1%89%D0%B5%D0%BD%D0%BA%D0%BE_%D0%92.%D0%90..jpg/220px-%D0%9F%D1%80%D0%B8%D1%81%D1%8F%D0%B3%D0%B0_%D0%AE%D1%89%D0%B5%D0%BD%D0%BA%D0%BE_%D0%92.%D0%90..jpg)
![](http://upload.wikimedia.org/wikipedia/commons/thumb/0/05/%D0%A2%D1%8D%D0%BA%D1%81%D1%82_%D0%9F%D1%80%D1%8B%D1%81%D1%8F%D0%B3%D1%96_%D1%80%D0%B0%D0%B4%D0%B0%D0%B2%D0%BE%D0%B3%D0%B0_%D1%96_%D0%BD%D0%B0%D1%87%D0%B0%D0%BB%D1%8C%D0%BD%D1%96%D1%86%D0%BA%D0%B0%D0%B3%D0%B0_%D1%81%D0%BA%D0%BB%D0%B0%D0%B4%D1%83_%D0%BE%D1%80%D0%B3%D0%B0%D0%BD%D0%B0%D1%9E_%D1%83%D0%BD%D1%83%D1%82%D1%80%D0%B0%D0%BD%D1%8B%D1%85_%D1%81%D0%BF%D1%80%D0%B0%D1%9E_%D0%A0%D1%8D%D1%81%D0%BF%D1%83%D0%B1%D0%BB%D1%96%D0%BA%D1%96_%D0%91%D0%B5%D0%BB%D0%B0%D1%80%D1%83%D1%81%D1%8C.jpg/220px-thumbnail.jpg)
Прысяга пашырана і ў іншых краінах (прысяга прэзідэнтаў, губернатараў, суддзяў, сведкаў і інш.), у многіх устаноўлена палітычная, адміністрацыйная і крымінальная адказнасць за парушэнне прысягі. Першапачаткова прысягу давалі ў выглядзе клятвы (напрыклад, клятва Гіпакрата, якую давалі ўрачы пры атрыманні дыплома), парушэнне якой магло цягнуць за сабой маральнае і грамадскае ўздзеянне. Прававыя вынікі мела парушэнне прысягі ваеннаслужачымі, работнікамі міліцыі.
У Беларусі практыка прысягання адноўлена пры атрыманні незалежнасці. Канстытуцыя Беларусі замацавала прыняцце прысягі ва ўрачыстай абстаноўцы на спецыяльным пасяджэнні парламента як адну з найважнейшых умоў уступлення прэзідэнта на сваю пасаду. У заканадаўстве Беларусі прадугледжана таксама прысяга для ваеннаслужачых, суддзяў, работнікаў міліцыі і інш.
Літаратура
- Чалавек і грамадства: Энцыклапедычны даведнік. Мінск: Беларуская Энцыклапедыя, 1998. ISBN 985-11-0108-7
Спасылкі
На Вікісховішчы ёсць медыяфайлы па тэме Прысяга