Праўдзінскі

Знаходзіцца на р. Пціч, за 23 кіламетраў ад Мар’інай Горкі, 12 кіламетраў ад чыгуначнай станцыі Рудзенск лініі Мінск — Асіповічы.

Населены пункт узнік у другой палове 1960-х гадоў у сувязі з будаўніцтвам торфапрадпрыемства «Сяргеевіцкае». Першыя пасяленцы жылі на кватэрах у суседніх населеных пунктах (запасы тарфянога радовішча «Арэхаўскі мох» былі выведаны ў 1961 годзе).

Першы торф на электрастанцыю пачалі адгружаць у 1968 годзе. У 1969 годзе пачаў працаваць брыкетны завод.

11 сакавіка 1977 года пасёлак атрымаў сучасную назву^[5]. Да 31 сакавіка 1977 года пасёлак уваходзіў у склад Цітвянскага сельсавета, пасля — у складзе Сяргеевіцкага сельсавета^[6]. 29 снежня 1977 года Праўдзінскі аднесены да катэгорыі рабочых пасёлкаў^[7].

29 чэрвеня 2006 года ў падпарадкаванне Праўдзінскага пасялковага Савета перададзеныя ўсе населеныя пункты — Барбарова, Валасач, Дубрава, Кавалевічы, Крыстампалле, Кукіга, Малінаўка, Прыстань, Слопішчы, Сяргеевічы, Церабель — скасаванага Сяргеевіцкага сельсавета^[8].

5 верасня 2008 года ў падпарадкаванні пасялковага Савета ўтвораны хутар Лебядзінае^[9].

28 мая 2013 года ўсе падпарадкаваныя пасялковаму Савету населеныя пункты — Барбарова, Валасач, Дубрава, Кавалевічы, Крыстампалле, Кукіга, Лебядзінае, Малінаўка, Прыстань, Слопішчы, Сяргеевічы, Церабель — перададзеныя ў склад Навапольскага сельсавета, а сам Праўдзінскі аднесены да гарадскога пасёлка^[10].

• 
  Галоўная вуліца
• 
  Дом, вул. Юбілейная 46
• 
  Савецкі агітацыйны плакат часоў БССР, вул. Юбілейная 5
• 
• 
  Адміністрацыйны комплекс
• 
  Праўдзінскі пасялковы выканаўчы камітэт

• 1995 год — 2,9 тыс. чал.^[11]
• 1998 год — 2811 чал.^[12]
• 1999 год — 2,7 тыс. чал.
• 1 студзеня 2002 года — 2,8 тыс. чал.
• 2006 год — 2,9 тыс. чал.
• 2009 год — 2408 чал.^[13]
• 2010 год — 2,4 тыс. чал.
• 2011 год — 2362 чал.
• 2016 год — 2288 чал.^[14]
• 1 студзеня 2017 год — 2283 чал.^[4]

• Праваслаўная царква. У г. п. ёсць прыход Святога Архангела Міхаіла.

Герб Праўдзінскага не мае афіційнага статуса. Уяўляе сабой іспанскі, па гарызанталі падзелены на дзве роўныя часткі. У ніжняй частцы герба размешчана шэра-чорныя прастакутнікі сімвалізуючыя торф (Праўдзінскі ўзнік у 1966—1968 гадах у сувязі з будаўніцтвам торфапрадпрыемства). У верхняй частцы знаходзіцца сцяг горада Мар’інай Горкі і Пухавіцкага раёна, на блакітным фоне у цэнтры размешчана выява Багародзіцы ў чырвона-блакітных адзеннях з белым покрывам.

Аўтар герба: Паўлюк Шапецька. Дата стварэння: 23 кастрычніка 2012 года^[15].

• Торфабрыкетны завод «Сяргеевіцкае» УП «Мінгаз» — найбуйнейшы ў Беларусі торфаперапрацоўчы завод
• Прадпрыемства металаапрацоўкі УП «Зеленаборскае»
• Прадпрыемства па вытворчасці ўгнаенняў, харчавальных грунтоў і інш. ТАА «Флорабел»

Праз тэрыторыю пасёлка праходзіць дарога Р-69 (Лагойск — Рудзенск — Шацк).

• Дзейнічаюць 2 бібліятэкі
• Палац культуры. Роспіс «Песня аб Беларусі» ў палацы культуры афармляў Юрый Багушэвіч^[16].

• Праўдзінскі дзяржаўны будаўнічы прафесійны ліцэй. Заснаваны ў 1971 годзе. Прымаюцца асобы з агульнай базавай адукацыяй. Рыхтуе працоўных па спецыяльнасцях: маляр, тынкоўшчык, абкладчык-плітачнік, мантажнік, электразварнік і інш ^[17].
• ДУА «Праўдзінская сярэдняя школа» ^[18].
• Музычная школа.
• Дашкольная ўстанова.
• Лазня

Медыцынскія паслугі надае местачковая бальніца. Бальніца была збудавана ў 1979 годзе і была разлічана на 75 ложкаў. Цяпер бальніца разлічана на 25 тэрапеўтычных ложкаў. Колькасць абслугоўваных пацыентаў складае — 20 чалавек у змену.^[19]

• Валун з памятнай таблічкай
• Помнік партызанам брыгады «Беларусь»