Палатоўскі сельсавет

Утвораны 16 ліпеня 1954 года ў складзе Полацкага раёна Віцебскай вобласці БССР шляхам аб’яднання скасаваных Верхачэнскага і Юравіцкага сельсаветаў^[1]. У 1957 годзе ў склад Тросніцкага сельсавета перададзены вёскі Арлова і Спаскае, а ў склад сельсавета з Домнікаўскага сельсавета перададзены вёскі Заполле і Затрасценне^[2]. 20 мая 1960 года ў склад Тросніцкага сельсавета перададзены 6 населеных пунктаў (Гірсіна, Глушонкі, Жыхары, Замхі, Шумацёнкі і Юравічы), у склад сельсавета з Тросніцкага сельсавета пералічаны 2 населеныя пункты (Арлова і Спаскае)^[3]. 17 ліпеня 1964 года частка сельсавета (3 населеныя пункты: Верхачэнне, Сіцянец і Улогава) уключана ў склад адноўленага Юравіцкага сельсавета^[4]. На 1 студзеня 1974 года ў складзе Палатоўскага сельсавета 13 населеных пунктаў^[5]. 24 чэрвеня 2008 года скасавана вёска Лонніца^[6]. 10 кастрычніка 2013 года да сельсавета далучана большая частка скасаванага Юравіцкага сельсавета (18 населеных пунктаў: аграгарадок Захарнічы, вёскі Баяноўшчына, Верхачэнне, Гірсіна, Глушонкі, Дразды, Жыхары, Залессе, Замхі, Калошкі, Муштарова, Пазнякова, Сасноўка, Сіцянец, Скавародзіна, Спаскае, Шумацёнкі і Юравічы)^[7].

Насельніцтва сельсавета паводле перапісу 2009 года (12 населеных пунктаў) — 813 чалавек^[8], з іх 92,6 % — беларусы, 4,2 % — рускія, 1,7 % — украінцы^[9]; паводле перапісу 2019 года (30 населеных пунктаў) — 1244 чалавекі^[10].

Палатоўскі сельсавет уключае 30 населеных пунктаў:

• Бабовікі
• Баяноўшчына
• Верхачэнне
• Гірсіна
• Глушонкі
• Дзявічкі
• Дразды
• Жыхары
• Залессе
• Замхі
• Затрасценне
• Захарнічы
• Казімірова
• Калошкі
• Конны Бор
• Копаль
• Муштарова
• Новая Палата
• Пазнякова
• Палата
• Сарнаполле
• Сасноўка
• Сіцянец
• Скавародзіна
• Скобрае
• Спаскае
• Стадола
• Узніцы
• Шумацёнкі
• Юравічы

• Административно-территориальное устройство БССР: справочник: в 2 т. / С. Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.