Падлеснік еўрапейскі

Шматгадовая травяністая расліна вышынёй 40—80 (120)^[4] см. Сцябло прамое, рабрыстае, пераважна адзіночнае, часам па 2—3^[4]. Лісце на доўгіх чаранках у прыкаранёвай разетцы, 3—5 раздзельнае. Сцябловае лісце амаль адсутнічае, маюцца толькі дробныя лісцікі ў месцах разгалінавання сцябла. Кветкі белага, зеленаватага або ружовага колеру, у парасоніках на канцах прамянёў у верхняй частцы сцябла. Вонкавыя кветкі тычынкавыя, унутраныя — двухполыя. Пялёсткі (іх 5) выемчатыя, з загнутым язычком. Плод — віслаплоднік з кручкаватымі шыпікамі.

Расліна распаўсюджана на тэрыторыі Еўропы і ўмераных абласцей Азіі^[5]. Ценевынослівая расліна, мезафіт і мезатроф^[6]. Расце ў лясах. Цвіце ў маі—ліпені. Плады паспяваюць у ліпені—верасні.

Ахоўваецца на тэрыторыі, Казахстана, Эстоніі, Вінніцкай вобласці Украіны, шэрагу рэгіёнаў Расіі^[6].

Рэліктавы від. Лекавая расліна.

• Падлеснік // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 67—68.
• Бобров Е. Г. Подлесник – Sanicula L. // Флора СССР. В 30-ти томах / Начато при руководстве и под главной редакцией акад. В. Л. Комарова; Редактор тома Б. К. Шишкин. — М.—Л.: Издательство Академии Наук СССР, 1950. — Т. XVI. — С. 62—65. — 648 с. — 3 500 экз.
• Подлесник // Лесная энциклопедия: В 2-х т. / Ред. кол.: Г. И. Воробьёв (гл. ред.) и др.. — М.: Сов. энциклопедия, 1986. — Т. 2. Лимонник—Ящерицы. — С. 237. — 631 с. — 100 900 экз. (руск.)

• Подлесник европейский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Sanicula europaea L. // ИАС «ООПТ России» (руск.)