Павал Ранкаў
Па́вал Ра́нкаў (славацк.: Pavol Rankov; нар. 16 верасня 1964, Попрад, Чэхаславакія) — славацкі пісьменнік.
| Павал Ранкаў | |
|---|---|
| Pavol Rankov | |
 | |
| Асабістыя звесткі | |
| Дата нараджэння | 16 верасня 1964[1][2] (59 гадоў) |
| Месца нараджэння |  Попрад |
| Грамадзянства | |
| Альма-матар | |
| Прафесійная дзейнасць | |
| Род дзейнасці | пісьменнік, выкладчык |
| Кірунак | Магічны рэалізм |
| Мова твораў | славацкая |
| Прэміі | прэмія ймя Івана Краскі, «Jean Monnet», прэмія газеты «SME», «Angelus» |
 Медыяфайлы на Вікісховішчы | |
Біяграфія
У 1987 Павал Ранкаў скончыў філасофскі факультэт універсітэта Коменскага ў Браціславе, Працаваў у Нацыянальнай бібліятэцы ў Марціне, Педагагічнай бібліятэцы ў Браціславе. Ад 1993 выкладае ва ўніверсітэце Коменскага на кафедры бібліятэчнай справы і навуковай інфармацыі.
Жыве ў Браціславе.
Творчасць
Дэбютаваў зборнікам апавяданняў «S odstupom času» (1995), які характарызуецца лучнасцю з традыцыямі сусветнага і айчыннага фантастычнага рэалізму (Борхес, Картасар, Грэндэль, Мітана), часаваю і прастораваю незвязнасцю, адпаведна ўжытымі экзатычнымі асяроддзямі, рэдукаваным сюжэтам, драматызмам, спалучаным з элементамі таямніцы, містыфікацыяй, іррацыянальнасцю.
У 2001 выдаў другі зборнік апавяданняў пад назвай «Мы і яны / Яны і мы».
У 2002 выдаў зборнік прафесійных тэкстаў «Масавая камунікацыя, мас-медыя і інфармацыйная супольнасць». У 2006 выйшла наступная кніга па дадзенай тэматыцы «Інфармацыйная супольнасць — перспектывы, парадоксы, праблемы».
Першы раман «Гэта стала першага верасня (альбо калісьці там)» выдаў у 2008 годзе, у 2011 выйшаў другі раман пад назвай «Мамы».
Бібліяграфія
- S odstupom času (апавяданні, 1995)
- My a oni / Oni a my (апавяданні, 2001)
- V tesnej blízkosti (апавяданні, 2004)
- Stalo sa prvého septembra (alebo inokedy) (раман, 2008)
- Matky (раман, 2011)
- Päť x päť (2011)
- Апавяданні (2012)
- Na druhej strane (2013)
Узнагароды
- прэмія імя Івана Краскі (1995)[3]
- міжнародная літаратурная прэмія «Jean Monnet» італьянскага міністэрства культуры (1997)[4]
- прэмія газеты «SME» (2001)
- Літаратурная прэмія Еўрасаюза за раман «Гэта стала першага верасня (альбо калісьці там)» (2009)[3][5][6]
- польская літаратурная прэмія «Angelus» за раман «Гэта стала першага верасня (альбо калісьці там)» (2014)[7]
- лаўрэат чытацкай узнагароды імя Наталлі Гарбанеўскай[3]