Ордэн Францыска Скарыны
О́рдэн Францы́ска Скары́ны — беларуская дзяржаўная ўзнагарода, ордэн. Заснаваны ў 1995 пастановай Вярхоўнага Савета як адна з найвышэйшых дзяржаўных узнагародаў Беларусі за асаблівыя заслугі ў справе нацыянальна-дзяржаўнага адраджэння.
| Ордэн Францыска Скарыны | |
|---|---|
| Арыгінальная назва | Францыска Скарыны |
| Краіна |  Беларусь |
| Тып | Ордэн |
| Дата заснавання | 13 красавіка 1995 |
| Статус | уручаецца |
| Першае | 18 лютага 1997 |
| Характарыстыкі | |
| Памеры | вышыня — 43 мм, шырыня — 39 мм, матэрыял — срэбра |
| Чарговасць узнагарод | |
| Старэйшая | Ордэн Пашаны |
| Малодшая | Ордэн Маці |
 Медыяфайлы на Вікісховішчы | |
Ордэнам узнагароджваюцца грамадзяне:
- значныя поспехі ў справе нацыянальна-дзяржаўнага адраджэння Беларусі, дасягненні ў галіне нацыянальнай мовы, літаратуры, мастацтва, а таксама прапаганды культурнай спадчыны беларускага народа;
- за адмысловыя заслугі ў гуманітарнай, дабрачыннай дзейнасці, у справе абароны чалавечае годнасці і правоў грамадзян, міласэрнасць і іншыя высакародныя ўчынкі.
Ордэн Францыска Скарыны носіцца на левым боку і пры наяўнасці іншых ордэнаў змяшчаецца пасля ордэна Пашаны.
Апісанне
Ордэн Францыска Скарыны ўяўляе сабой чатырохканцовую зорку з колам, складзеную ў авал памерам па вертыкалі 43 мм, па гарызанталі — 39 мм. У цэнтры кола — рэльефны малюнак Францыска Скарыны, у ніжняй частцы — лаўровая галіна. Авал апраўлены бела-блакітнай эмалевай стужкай з надпісам «Францыск Георгiй Скарына». Зваротны бок ордэна мае гладкую паверхню, у цэнтры знаходзіцца нумар ордэна.
Ордэн пры дапамозе вушкі і кольца злучаецца з калодкай сямікутнай формы, у ніжняй частцы якой размешчаны знак «сігнет». Калодка абцягнутая муаравай стужкай цёмна-фіялетавага колеру.
Ордэн вырабляецца з срэбра з пазалотай.
Кавалеры ордэна
- Уладзімір Адамушка — беларускі гісторык, дзяржаўны дзеяч
- Жарэс Алфёраў — беларускі і расійскі фізік
- Алексій II (Рыдыгер) — Патрыярх Маскоўскі і ўсяе Русі
- Юрый Міхайлавіч Антонаў — расійскі кампазітар
- Надзея Бабкіна — расійская спявачка
- Павел Барадзін — расійскі дзяржаўны дзеяч
- Мікалай Баскаў — расійскі спявак
- Міхаіл Гапеевіч Булахаў — беларускі мовазнавец
- Барыс Федасеевіч Герлаван — беларускі мастак
- Мікалай Гнацюк — савецкі і ўкраінскі спявак
- Барыс Ельцын — першы прэзідэнт Расіі
- Аляксандр Зімоўскі — беларускі журналіст і грамадскі дзеяч
- Мікалай Казак — савецкі і беларускі фізік
- П’ер Кардэн — французскі мадэльер
- Юрый Лужкоў — мэр Масквы
- Уладзімір Мулявін — савецкі і беларускі спявак
- Аляксандра Пахмутава — савецкі і расійскі кампазітар
- Людміла Іванаўна Пісарава — беларуская актрыса
- Васіль Раінчык — беларускі кампазітар
- Міхаіл Савіцкі — савецкі і беларускі мастак
- Генадзь Селязнёў — расійскі палітычны дзеяч
- Філарэт (Вахрамееў) — мітрапаліт Мінскі і Слуцкі, патрыяршы экзарх Усяе Беларусі
- Міхаіл Фінберг — беларускі музыкант, дырыжор
- Павел Якубовіч — галоўны рэдактар газеты «СБ. Беларусь сегодня»
- Расціслаў Янкоўскі — савецкі і беларускі акцёр тэатра і кіно
- Анатоль Ярмоленка — беларускі музыкант
- Барыс Аракчэеў — беларускі мастак, педагог
- Антаніна Морава — былы міністр працы і сацыяльнай абароны Рэспублікі Беларусь
- Валянціна Матвіенка — Старшыня Савета Федэрацыі Федэральнага Сходу Расійскай Федэрацыі[1]
- Уладзімір Тоўсцік — народны мастак Беларусі
- Мемарыяльны комплекс «Брэсцкая крэпасць-герой»
Зноскі
Літаратура
- Исаева И.К. Награды Республики Беларусь. — Мн.: Беларусь, 2007. — 120 с.
- А. Никитин Государственные награды Республики Беларусь // Петербургский коллекционер : газета. — СПб.: 2005. — В. 31. — № 1. — С. 29.