Нацкі сельсавет (Полацкі раён)

На́цкі сельсавет — былая адміністрацыйна-тэрытарыяльная адзінка ў складзе Полацкага раёна Віцебскай вобласці Беларусі. Адміністрацыйны цэнтр — вёска Нача.

Нацкі сельсавет
Краіна	Беларусь
Уваходзіць у	Полацкі раён
Уключае	16 населеных пунктаў
Адміністрацыйны цэнтр	Нача
Дата ўтварэння	20 жніўня 1924
Дата скасавання	8 красавіка 2004
Насельніцтва	597 чал. (1999)
Код аўтам. нумароў	2

Утвораны 20 жніўня 1924 года ў складзе Ветрынскага раёна Полацкай акругі БССР. Пасля скасавання акруговай сістэмы 26 ліпеня 1930 года ў Ветрынскім раёне БССР. З 8 ліпеня 1931 года ў складзе Полацкага раёна БССР, з 12 лютага 1935 года — у складзе адноўленага Ветрынскага раёна БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. З 20 студзеня 1960 года сельсавет у складзе Полацкага раёна. На 1 студзеня 1974 года ў складзе Нацкага сельсавета 26 населеных пунктаў^[1]. 16 кастрычніка 1989 года ў склад Бабыніцкага сельсавета перададзены 9 населеных пунктаў (Антонавічы, Арэхаўна, Багушова, Глінскія, Данева, Зазер’е, Крошына, Слабада і Шлюбоўшчына)^[2]. 8 красавіка 2004 года скасаваны, тэрыторыя ўвайшла ў склад новаўтворанага Ветрынскага сельсавета^[3].

На момант скасавання ў склад сельсавета ўваходзілі 16 населеных пунктаў: вёскі Гара, Гараўцы, Катушонкі, Кеўліна, Лагаўцы, Левае, Нача, Петухоўшчына, Пліскі, Роганава, Скараходы, Сцяпанікі, Сялко, Сяльцо, Чубатыя і Шкілякі.