Міхаіл Рыгоравіч Яфрэмаў

Міхаі́л Рыго́равіч Яфрэ́маў (27 лютага (11 сакавіка) 1897 — 19 красавіка 1942) — савецкі ваенны дзеяч, генерал-лейтэнант (1940). Герой Расійскай Федэрацыі (31.12.1996, пасмяротна).

Міхаіл Рыгоравіч Яфрэмаў
руск.: Михаил Григорьевич Ефремов
Дата нараджэння	27 лютага (11 сакавіка) 1897
Месца нараджэння	Таруса, Тарускі павет[d], Калужская губерня, Расійская імперыя
Дата смерці	19 красавіка 1942(1942-04-19)[1][2] (45 гадоў)
Месца смерці	Вяземскі раён, Смаленская вобласць, РСФСР, СССР
Месца пахавання	Смаленская вобласць
Альма-матар	Ваенная акадэмія імя М. В. Фрунзэ
Грамадзянства	СССР
Прыналежнасць	СССР
Род войскаў	Рабоча-Сялянская Чырвоная Армія
Званне
Камандаваў	3-ці стралковы корпус 12-ы стралковы корпус Прыволжская ваенная акруга Забайкальская ваенная акруга Арлоўская ваенная акруга Паўночна-Каўказская ваенная акруга Закаўказская ваенная акруга 21-я армія Цэнтральны фронт Бранскі фронт 10-я армія 33-я армія
Бітвы/войны	Першая сусветная вайна Грамадзянская вайна ў Расіі Вялікая Айчынная вайна
Узнагароды і званні
Медыяфайлы на Вікісховішчы

У гады грамадзянскай вайны арганізаваў паспяховы рэйд бронецягнікоў на Баку, сталіцу Азербайджанскай Дэмакратычнай Рэспублікі, што спрыяла хуткаму падзенню АДР і ўсталяванню савецкай улады ў рэспубліцы. Скончыў Ваенна-палітычную акадэмію (1930), Ваенную акадэмію імя Фрунзе (1933). У Вялікую Айчынную вайну на фронце з 1941 года: камандуючы 21-й арміяй, Цэнтральным фронтам, войскі якіх у ліпені — жніўні 1941 года абаранялі дняпроўскія рубяжы на гомельскім напрамку (Рагачоўска-Жлобінская аперацыя, абарона Гомеля). Потым намеснік камандуючага Бранскага фронта, камандуючы 33-й арміяй на Нара-Фамінскім кірунку пры абароне Масквы ў 1941 годзе. Трагічна загінуў (паводле афіцыйнай версіі — застрэліўся) падчас няўдалага контрнаступлення ў рамках Ржэўска-Вяземскай аперацыі ў 1942 годзе.