Міхал Грыгорый Грабоўскі
Міхал Грыгорый Грабоўскі (польск.: Michał Grzegorz Grabowski; 1719, Вялікае Княства Літоўскае — 8 жніўня 1799, г. Кракаў) — ваенны дзеяч Вялікага Княства Літоўскага.
Міхал Грыгорый Грабоўскі | |
---|---|
Нараджэнне | 1719 |
Смерць | 1799[1] |
Род | Грабоўскія герба Окша |
Бацька | Стэфан Грабоўскі |
Маці | Тэадора са Стрыенскіх[d] |
Дзеці | Павел Ян Грабоўскі і Ізабела з Грабоўскіх[d][2] |
Званне | генерал-лейтэнант |
Узнагароды |
Біяграфія
Паходзіў са шляхецкага роду Грабоўскіх герба «Тапор» (або «Окша»). Нарадзіўся ў сям’і Стэфана, віштынецкага старосты, і Тэадоры са Стрыенскіх[3].
Спярша шамбялян ЯКМ і палкоўнік у 1757—1764 г., пасля генерал-маёр Рэгімэнта коннай гвардыі ВКЛ у 1772—1777 г., генерал-лейтэнант у 1783 г. Севярын Урускі згадваў яго як генерала маёра Рэгімэнта коннай гвардыі ВКЛ і шэфа карабінераў прыбочнай варты караля Рэчы Паспалітай у 1783 г[3].
Кавалер ордэна Святога Станіслава ў 1787 г[3].
Сям’я
Пабраўся шлюбам з Эвай Каралінай Жаленьскай у сваім маёнтку Цяшковічы 23 студзеня 1757 г. З ёй меў трох сыноў: памерлых у малалецтве Тэадора Станіслава і Аляксандра Ксаверыя, а таксама Паўла Яна (нар. 1761).