Міністэрства энергетыкі Рэспублікі Беларусь

Пастановай № 594 ад 25 верасня 1992 года ўрад стварыў замест Дзяржаўнага камітэта па паліву і газіфікацыі Міністэрства энергетыкі. 14 сакавіка 1994 года Мінэнерга было ператворана ў Міністэрства паліва і энергетыкі Рэспублікі Беларусь (Мінпалэнерга)^[1]. Палажэнне аб новым міністэрстве было зацверджана пастановай Савета Міністраў Рэспублікі Беларусь ад 20 лютага 1996 года № 122. Аднак ужо ў наступным годзе міністэрства было скасавана ўказам Прэзідэнта Рэспублікі Беларусь ад 11 чэрвеня 1997 года № 328 і загадам Міністэрства паліва і энергетыкі ад таго ж дня № 60. Функцыі Мінпалэнерга былі перададзены Міністэрству эканомікі і канцэрну «Белэнерга».

Праз чатыры гады Міністэрства энергетыкі было паўторна створана ўказам Прэзідэнта Рэспублікі Беларусь ад 24 верасня 2001 года № 516. 31 кастрычніка 2001 года было зацверджана Палажэнне аб міністэрстве^[2]. 10 ліпеня 2008 года ў міністэрстве быў створаны Дэпартамент па ядзернай энергетыцы^[3].

• Цэнтральны апарат;
• Аб’яднанні «Белпалівагаз», «Белэнерга»;
• Прадпрыемствы «БелНДПІэнергапрам», «Белдзіпрагаз», «БЕЛЦЭІ», «Белэнергасеткапраект», «Энергетычная стратэгія», «БелНДІпалівапраект»;
• Дырэкцыя будаўніцтва атамнай электрастанцыі^[4].

• Валянцін Герасімаў (1992—1997)
• Уладзімір Сямашка (2001—2003)
• Аляксандр Агееў (2004—2006)
• Аляксандр Азярэц (2006—2013)
• Уладзімір Патупчык (2013—2018)
• Віктар Каранкевіч (з 2018)

• Міністэрства энергетыкі Беларусі Архівавана 9 снежня 2016.