Медаль «За абарону Сталінграда»
Медаль «За абарону Сталінграда» заснаваны Указам Прэзідыума Вярхоўнага Савета СССР ад 22 снежня 1942 г. [1] Аўтар малюнка медаля - мастак Н. І. Маскалёў.
Медаль «За абарону Сталінграда» | |
---|---|
Краіна | ![]() |
Тып | медаль |
Каму ўручаецца | усім удзельнікам абароны Сталінграда |
Дата заснавання | 22 снежня 1942 |
Статус | не ўручаецца |
Статыстыка ўзнагароджанняў | |
Колькасць | 759560 |
Характарыстыкі | |
Матэрыял | Латунь |
Памеры | дыяметр — 32 мм матэрыял — латунь |
Чарговасць узнагарод | |
Старэйшая | Медаль «За абарону Севастопаля» |
Малодшая | Медаль «За абарону Кіева» |
![]() |
Медалём "За абарону Сталінграда" узнагароджваліся ўсе ўдзельнікі абароны Сталінграда - вайскоўцы Чырвонай Арміі, Ваенна-Марскога Флота і войскаў НКУС, а таксама асобы з грамадзянскага насельніцтва, якія прымалі непасрэдны ўдзел у абароне. Перыядам абароны Сталінграда лічыцца 12 ліпеня - 19 лістапада 1942 года.
Медаль «За абарону Сталінграда» носiцца на левым боку грудзей i пры наяўнасцi iншых медалёў СССР размяшчаецца пасля медаля «За абарону Севастопаля».
Станам на 1 студзеня 1995 медалём "За абарону Сталінграда» ўзнагароджана прыблізна 759560 чалавек.
Апісанне медаля
Медаль «За абарону Сталінграда» вырабляецца з латуні і мае форму правільнага круга дыяметрам 32 мм.
На вонкавым боку медаля - група байцоў з вінтоўкамі наперавес. Над групай байцоў, з правага боку медаля, лунае сцяг, а з левага боку бачныя абрысы танкаў і самалётаў, якія ляцяць адзін за адным. У верхняй частцы медаля, над групай байцоў, пяціканцовая зорачка і надпіс па краі медаля «За абарону Сталінград». Бок медалі абрамлены выпуклым борцікам.
На адваротным боку медаля надпіс «ЗА НАШУ САВЕЦКУЮ РАДЗІМУ». Над надпісам намаляваны серп і молат.
Усе надпісы і малюнкі на медалі выпуклыя.
Медаль пры дапамозе вушка i кольца злучаецца з пяцiвугольнай калодкай, абцягнутай шаўковай муаравай стужкай аліўкавага колеру з падоўжнай чырвонай палоскай, шырынёй 2 мм, пасярэдзіне. Шырыня стужкі 24 мм.
Зноскі
Спасылкі
На Вікісховішчы ёсць медыяфайлы па тэме Медаль «За абарону Сталінграда»
- Медалі і ордэны СССР