Медаль «Ветэран працы»
Меда́ль «Ветэра́н пра́цы» — дзяржаўная ўзнагарода СССР.
Медаль «Ветэран працы» | |
---|---|
Медаль «Ветеран труда» | |
Арыгінальная назва | Медаль «Ветеран труда» |
Краіна | ![]() |
Тып | медаль |
Дата заснавання | 18 студзеня 1974 |
Статус | не ўручаецца |
Статыстыка ўзнагароджанняў | |
Колькасць | каля 39 197 100 |
Характарыстыкі | |
Матэрыял | Тампак |
Памеры | дыяметр — 34 мм |
Чарговасць узнагарод | |
Старэйшая | Медаль «За доблесную працу ў Вялікай Айчыннай вайне 1941—1945 гг.» |
Малодшая | Медаль «Ветэран Узброеных Сіл СССР» |
![]() |
Заснаваны Указам Прэзідыума Вярхоўнага Савета СССР ад 18 студзеня 1974 года. Аўтар праекта медаля — мастак С. А. Паманскі.
Статут медаля
Медалём «Ветэран працы» ўзнагароджваліся працоўныя за шматгадовую добрасумленную працу ў народнай гаспадарцы, у галіне навукі, культуры, народнай адукацыі, аховы здароўя, у дзяржаўных установах і грамадскіх арганізацыях, а таксама рабочыя, калгаснікі і служачыя ў знак прызнання іх працоўных заслуг па дасягненні працоўнага стажу, неабходнага для прызначэння пенсіі за выслугу гадоў або па старасці. Таксама ім узнагароджвалі тых, хто быў непаўналетнім і працаваў на заводах у часы Вялікай Айчыннай Вайны.
Медаль носіцца на левым боку грудзей і размяшчаецца пасля медаля «За доблесную працу ў Вялікай Айчыннай вайне 1941—1945 гг.»
Па стану на 1 студзеня 1995 года медалём «Ветэран працы» было ўзнагароджана прыблізна 39 197 100 чалавек.
Апісанне медаля
Медаль «Ветэран працы» вырабляецца з тампака, пасярэбраны, мае форму правільнага круга дыяметрам 34 мм.
На адным боку медаля на фоне разбежных прамянёў размешчаны выпуклы надпіс «СССР», рэльефны малюнак лаўровай галіны, сярпа і молата. У ніжняй частцы медаля па акружнасці на контурном малюнку стужкі размешчаны надпіс «ВЕТЕРАН ТРУДА». Аверс медаля аксідзіраваны.
На адваротным боку медаля на матавым светлым фоне ў чатыры радкі размешчаны рэльефны надпіс «ЗА ДОЛГОЛЕТНИЙ ДОБРОСОВЕСТНЫЙ ТРУД».
Края медаля абрамлены кантам.
Медаль пры дапамозе вушка і кольца злучаецца з пяцівугольнай калодкай, абцягнутай шаўковай муаравай стужкай шырынёй 24 мм з адной падоўжнай паласой цёмна-шэрага колеру шириной 7 мм, адной паласой светла-шэрага шырынёй 8 мм і трыма вузкімі чаргуючыміся падоўжнымі палоскамі белага і чырвонага колераў. Края стужкі акантаваны вузкімі белымі палоскамі.
Ілюстрацыі
- Аверс медаля
- Рэверс медаля
Гл. таксама
- Узнагароджаныя медалём «Ветэран працы»
- Званне «Ветэран працы»
Літаратура
- Володин А. Н., Мерлай Н. М. Медали СССР. — СПб.: Печатный двор, 1997. — С. 202—203. — ISBN 5-7062-0111-0.
- Колесников Г. А., Рожков А. М. Ордена и медали СССР. — Мн.: Народная асвета, 1986. — С. 57—58.
Спасылкі
- Медаль «Ветэран працы». Медалі і ордэны СССР